ആരാണ് ഈ കുപ്രസിദ്ധ മഖ്‌ന അഥവാ മോഴയാനകൾ?

  ഏതാനും മാസങ്ങൾക്ക് മുമ്പ് വയനാട്ടിൽ ബേലൂർ മഖ്‌ന എന്ന ആനയുടെ ആക്രമണത്തിൽ കർഷകൻ മരിച്ച ദാരുണമായ സംഭവം വന്യജീവി സംരക്ഷണം മനുഷ്യസുരക്ഷയുമായി സന്തുലിതമാക്കുന്നതിലെ വെല്ലുവിളികൾ ഉയർത്തിക്കാട്ടിയിരുന്നു. ആക്രമാസക്തമായ പെരുമാറ്റം കാഴ്ച വച്ച ഈ ആനയെ മുമ്പ് കർണാടകയിലെ ഹാസന്‍ ഡിവിഷനിലെ ബേലൂരില്‍ നിന്നു പിടികൂടി, റേഡിയോ കോളര്‍ ഘടിപ്പിച്ച് വയനാട് വന്യജീവി സങ്കേത വനാതിര്‍ത്തിയിലെ മൂലഹോള്ള വന്യജീവി റേഞ്ചില്‍ തുറന്നു വിടുകയായിരുന്നു.

photocredit:AbhinavMalhotra -ആരാണ് മഖ്‌ന ആനകൾ? ആനകളെ പൊതുവേ രണ്ട് വര്‍ഗമായാണ് വേർതിരിക്കുന്നത്.ആൺ കൊമ്പനും, പെൺ പിടിയും.എന്നാൽ ഇവ രണ്ടുമല്ലാതെ മൂന്നാമതൊരു വിഭാഗം കൂടി ആനകൾക്കിടയിൽ ഉണ്ട്. അവയാണ് മോഴയാനകൾ.

മഖ്‌ന ആനകൾ അഥവാ മോഴ ആനകൾ ഏഷ്യൻ ആനകളുടെ (എലിഫാസ് മാക്‌സിമസ്) സവിശേഷമായ ഒരു ഉപവിഭാഗമാണ്. ഇവകളെ കൊമ്പുകളുടെ അഭാവം കൊണ്ട് വേർതിരിക്കുന്നു. ആഫ്രിക്കൻ ആനകളേക്കാൾ ഏഷ്യൻ ആനകളിൽ കൂടുതലായി കാണപ്പെടുന്ന ഈ ജനിതക സവിശേഷത, വേട്ടയാടൽ സമ്മർദ്ദം കുറയ്ക്കുന്നതിനായുളള പരിണത്തിൻ്റെ ഫലമാകാം.

ഈ ആനകൾ മാതൃാധിപത്യ ആനക്കൂട്ടങ്ങളിലാണ് താമസിക്കുന്നത്, കൗമാരപ്രായത്തിൽ എത്തുമ്പോൾ പുരുഷ ആനകൾ ഇവരെ ഉപേക്ഷിക്കുന്നു. കൊമ്പില്ലാത്ത അവസ്ഥയുണ്ടെങ്കിലും, മഖ്‌നകളുടെ ശബ്ദം, ശരീരഭാഷ, പെരുമാറ്റം എന്നിവയെല്ലാം മറ്റു ആനകളെ പോലെതന്നെയയാണ്. കൊമ്പിന്‍റെ ഒരു കുറവൊഴിച്ചാൽ ആണാനയുടെ അതേ പ്രകൃതം. കൊമ്പന്മാരെക്കാൾ വീറും വാശിയും ശക്തിയും താരതമ്യേന കൂടുതലാണ് മോഴകൾക്ക്‌ എന്നാണ് പറയപ്പെടുന്നത്.

എന്നാൽ പലപ്പോഴും കൊമ്പനെക്കാൾ ഒരുപടി മുൻപിലാണ് മോഴയാനകൾ. 4 കൊമ്പന്മാർക്കു തുല്യം ഒരു മോഴ എന്നൊക്കെ അതിശയോക്തി കലർത്തി ആന വിദഗ്തർ പറയാറുണ്ട്. അതിനു പ്രധാന കാരണം ഇവ മെരുക്കാൻ ഏറെ പാടുളള കൂട്ടരാണ്. പൊതുവെ അക്രമാസക്തരും.

കൊമ്പുള്ള ആനയെ കാണുമ്പോഴുള്ള ഭയം പിടിയാനയെന്ന് തെറ്റിദ്ധരിക്കപ്പെടുന്ന മോഴകളെ കാണുമ്പോള്‍ തോന്നാന്‍ ഇടയില്ലാത്തതും അപകടസാധ്യത കൂട്ടുന്നു. കൊമ്പില്ലെന്നു കരുതി കൂസലില്ലാതെ മുന്നിൽ ചെന്നുപ്പെട്ടാൽ പിന്നെ  ബാക്കിയുണ്ടാകില്ല എന്ന് സാരം.