ഗൾഫ് രാജ്യങ്ങളിൽ പിടിമുറുക്കി കൊറോണ; ആരംഭം ഇറാനിൽ നിന്നും

ചൈനയിൽ ഉത്ഭവിച്ച് ലോകത്താകമാനം 80,000 ത്തിലധികം പേരെ ബാധിച്ച കൊറോണ വൈറസ് ഗൾഫ് രാജ്യങ്ങളിൽ പിടിമുറുക്കുന്നു. ഇതുവരെയും 218 കേസുകൾ ഇവിടങ്ങളിൽ റിപ്പോർട്ട് ചെയ്തു കഴിഞ്ഞു

യു.എ.ഇ.യിൽ പുതുതായി 13 കേസുകൾ റിപ്പോർട്ട് ചെയ്തിട്ടുണ്ട്. ഇറാൻ ആണ് ഉത്ഭവസ്ഥാനമായി കരുതുന്നത്.

പകർച്ച തടയുന്നതിനായി എല്ലാ തയാറെടുപ്പുകളും നടത്തിയതായി അധികൃതർ അറിയിച്ചു. ഇറാനിലേക്കുള്ള യാത്രാ വിമാനങ്ങൾ ഒരാഴ്ചത്തേക്ക് നിർത്തിവച്ചു

ഇറാന്റെ ആരോഗ്യ വകുപ്പ് ഉപമന്ത്രിയായ ഇരാജ് ഹരിർച്ചിക്കു കൊറോണ സ്ഥിരീകരിച്ചിട്ടുണ്ട്. രാജ്യങ്ങൾ കേന്ദ്രീകരിച്ചുള്ള വിവരം ചുവടെ:

ഇറാനിൽ 139 കേസുകൾ റിപ്പോർട്ട് ചെയ്തതിൽ ബുധനാഴ്ച മാത്രം 19 കൊറോണ മരണങ്ങൾ നടന്നതായി ഔദ്യോഗിക കണക്കുകൾ സൂചിപ്പിക്കുന്നു. 50 മരണം സംഭവിച്ചതായി ഖോമിൽ നിന്നുള്ള എം.പി. കണക്കുകൾ നിരത്തുന്നു

കുവൈറ്റിൽ കൊറോണ കേസുകളുടെ എണ്ണം 25 ആയി

പുതുതായി റിപ്പോർട്ട് ചെയ്യപ്പെട്ട ഏഴു കേസുകൾ ഉൾപ്പെടെ മൊത്തം 33 കൊറോണ ഇൻഫെക്ഷൻ ബഹറിനിൽ രേഖപ്പെടുത്തി

ഒമാനിൽ ഇതുവരെയായും അഞ്ചു കേസുകൾ റിപ്പോർട്ട് ചെയ്തു

ഈജിപ്റ്റിൽ ഒന്നും ലെബണനിൽ രണ്ടു കേസുകളും ഉണ്ട്

കുവൈറ്റിലും ബഹറിനിലും നിന്നും പ്രവേശിക്കുന്നത് ഇറാഖ് തടഞ്ഞിട്ടുണ്ട്. ഇറാഖിൽ നിന്നും ജപ്പാൻ, ദക്ഷിണ കൊറിയ, തായ്‌ലൻഡ്, സിംഗപ്പൂർ, ഇറ്റലി, ബഹറിൻ, കുവൈറ്റ്‌ എന്നിവിടങ്ങളിലേക്കുള്ള യാത്രയും നിരോധിച്ചിട്ടുണ്ട്