TRENDING:

Pranab Mukherjee | 'കടന്നുപോയത് ഒരു കാലഘട്ടം'; പ്രണബ് മുഖർജിയെ അനുസ്മരിച്ച് രാഷ്ട്രപതി രാംനാഥ് കോവിന്ദ്

Last Updated:

'പൊതുജീവിതത്തിൽ ഏറെ ആദരവ് പിടിച്ചുപറ്റിയ പ്രണബ് മുഖർജി ഒരു ഋഷിവര്യനെപ്പോലെ ഭാരതാംബയെ സേവിച്ചു. ഏറ്റവും പ്രിയമുള്ള പുത്രനെ നഷ്ടപ്പെട്ടതിൽ രാജ്യം ദുഃഖിക്കുന്നു'

impactshort
Impact Shortsഗേറ്റ് വേ ഏറ്റവും പുതിയ വാർത്തയ്ക്കായി
advertisement
ന്യൂഡൽഹി: മുൻ രാഷ്ട്രപതി പ്രണബ് മുഖർജിയുടെ നിര്യാണത്തിൽ അനുശോചിച്ച് രാഷ്ട്രപതി രാംനാഥ് കോവിന്ദ്. പ്രണബ് മുഖർജിയുടെ നിര്യാണത്തോടെ ഒരു കാലഘട്ടമാണ് കടന്നുപോകുന്നതെന്ന് രാംനാഥ് കോവിന്ദ് പറഞ്ഞു. "മുൻ രാഷ്ട്രപതി ശ്രീ പ്രണബ് മുഖർജിയുടെ വിയോഗത്തോടെ ഒരു യുഗമാണ് അവസാനിച്ചത്. പൊതുജീവിതത്തിൽ ഏറെ ആദരവ് പിടിച്ചുപറ്റിയ പ്രണബ് മുഖർജി ഒരു ഋഷിവര്യനെപ്പോലെ ഭാരതാംബയെ സേവിച്ചു. ഏറ്റവും പ്രിയമുള്ള പുത്രനെ നഷ്ടപ്പെട്ടതിൽ രാജ്യം ദുഃഖിക്കുന്നു. പ്രണബ് മുഖർജിയുടെ നിര്യാണത്തിൽ അദ്ദേഹത്തിന്‍റെ കുടുംബാംഗങ്ങളോടും സുഹൃത്തുക്കളോടുമുള്ള എന്‍റെ ദുഃഖം രേഖപ്പെടുത്തുന്നു "- ട്വിറ്ററിൽ രാഷ്ട്രപതി രാംനാഥ് കോവിന്ദ് എഴുതിയ അനുശോചന സന്ദേശത്തിൽ പറഞ്ഞു.
advertisement

ഡല്‍ഹിയിലെ ആര്‍മി റിസര്‍ച്ച് ആന്‍ഡ് റഫറല്‍ ആശുപത്രിയില്‍ ചികിത്സയിലിരിക്കെ ഇന്നു വൈകിട്ടാണ് പ്രണബ് മുഖർജി അന്തരിച്ചത്. തലച്ചോറില്‍ രക്തം കട്ടപിടിച്ചെന്നു കണ്ടെത്തിയതിനെ തുടര്‍ന്ന് അദ്ദേഹത്തെ ശസ്ത്രക്രിയക്ക് വിധേയനാക്കിയിരുന്നു. ശസ്ത്രക്രിയ വിജയകരമായെങ്കിലും ആരോഗ്യനില വഷളായതിനെ തുടര്‍ന്ന് അദ്ദേഹത്തെ വെന്റിലേറ്ററിലേക്ക് മാറ്റിയിരുന്നു. ശസ്ത്രക്രിയക്ക് മുന്നോടിയായി തിങ്കളാഴ്ച നടത്തിയ പരിശോധയില്‍ അദ്ദേഹത്തിന് കോവിഡ് സ്ഥിരീകരിച്ചിരുന്നു. ഇക്കാര്യം മുഖര്‍ജി ട്വീറ്റ് ചെയ്തിരുന്നു. കഴിഞ്ഞയാഴ്ച താനുമായി ഇടപഴകിയവര്‍ നിരീക്ഷണത്തില്‍ പോകണമെന്നും അദ്ദേഹം ആവശ്യപ്പെട്ടിരുന്നു.

advertisement

ശസ്ത്രക്രിയയ്ക്കു പിന്നാലെ പ്രതിരോധമന്ത്രി രാജ്നാഥ് സിങ് ആശുപത്രിയിലെത്തി ബന്ധുക്കളും ഡോക്ടര്‍മാരുമായി ചര്‍ച്ച നടത്തി. ശസ്ത്രക്രിയക്ക് ശേഷം ആരോഗ്യനില ഗുരുതരമായി തുടരുകയാണെന്ന് ഇന്നു രാവിലെ പുറത്തിറക്കിയ മെഡിക്കല്‍ ബുള്ളറ്റിനില്‍ ആശുപത്രി അധികൃതര്‍ വ്യക്തമാക്കിയിരുന്നു.

You may also like:സ്വവർഗ്ഗാനുരാഗികൾക്കായുള്ള ഡേറ്റിംഗ് ആപ്പ് വഴി തട്ടിപ്പ്; യുവാവിനെ വിളിച്ചു വരുത്തി കൊള്ളയടിച്ചു [NEWS]'എ രഞ്ജിത്ത് സിനിമ': വ്യത്യസ്ത പേരുമായി ആസിഫ് അലി നായകനാകുന്ന പുതിയ ചിത്രം [NEWS] ആന്ധ്രാപ്രദേശിൽ 'പ്രസിഡന്റ് മെഡൽ' ബ്രാൻഡിൽ മദ്യം; മുഖ്യമന്ത്രിക്കെതിരെ തെലുഗുദേശം പാർട്ടി [NEWS]

advertisement

ഇന്ത്യയുടെ പതിമൂന്നാമത് രാഷ്ട്രപതിയായിരുന്നു ബംഗാള്‍ സ്വദേശിയായ പ്രണബ് കുമാര്‍ മുഖര്‍ജി. 1935 ഡിസംബര്‍ 11ന് പശ്ചിമബംഗാളിലെ ബീര്‍ഭൂം ജില്ലയിലെ മീറഠി ഗ്രാമത്തിലാണ് ജനനം. പശ്ചിമ ബംഗാളില്‍ നിന്ന് ഇന്ത്യന്‍ രാഷ്ട്രപതിയാകുന്ന ആദ്യ വ്യക്തിയാണ്. ബജറ്റ് അവതരിപ്പിച്ച ആദ്യ ബംഗാളിയും പ്രണബ് മുഖര്‍ജിയാണ്.

മലയാളം വാർത്തകൾ/ വാർത്ത/India/
Pranab Mukherjee | 'കടന്നുപോയത് ഒരു കാലഘട്ടം'; പ്രണബ് മുഖർജിയെ അനുസ്മരിച്ച് രാഷ്ട്രപതി രാംനാഥ് കോവിന്ദ്
Open in App
Home
Video
Impact Shorts
Web Stories