Prithviraj Sukumaran | കാഴ്ചയിലും സ്വഭാവത്തിലും പൃഥ്വിരാജ് അച്ഛനെ പോലെ; സുപ്രിയ

നടൻ സുകുമാരൻ വിട്ടുപോയിട്ട് ഇന്നേക്ക് 23-ാം വർഷം. അച്ഛന്റെ ഓർമ്മദിനത്തിൽ മകൻ പൃഥ്വിരാജും മരുമകൾ സുപ്രിയയും സോഷ്യൽ മീഡിയയിലൂടെ ഓർമ്മകൾ പങ്കിടുന്നു

അച്ഛന് അഭിമാനമാവാൻ കഴിഞ്ഞുവെന്ന് വിശ്വസിക്കുന്നു. അച്ഛനെ ഒരുപാട് മിസ് ചെയ്യുന്നു എന്നാണ് പൃഥ്വിരാജ് കുറിക്കുന്നത്. എന്നാൽ സുപ്രിയയുടെ പോസ്റ്റ് വളരെ വ്യത്യസ്തമാണ്. തനിക്ക് കാണാൻ സാധിക്കാതെ പോയ അച്ഛനെ സുപ്രിയ വിവരിക്കുന്നത് ഇങ്ങനെ:

"ഞാൻ ഒപ്പം ജീവിക്കുന്ന ആളിൽ അച്ഛന്റെ ഒരംശം എന്നും കാണാറുണ്ട്. അദ്ദേഹം കാഴ്ചയിലും പെരുമാറ്റത്തിലും, പ്രത്യേകിച്ച് മനോഭാവത്തിലും, താങ്കളെപോലെയെന്ന് എല്ലാവരും പറയാറുണ്ട്. ഇതെല്ലാം കാണാൻ അല്ലിക്കും എനിക്കും കഴിഞ്ഞിരുന്നെങ്കിൽ എന്നാഗ്രഹിക്കാറുണ്ട്. എന്നും ഞങ്ങൾ സ്നേഹത്തോടെ ഓർത്തിരിക്കും," സുപ്രിയ കുറിക്കുന്നു

പൃഥ്വിരാജുമായി രൂപസാദൃശ്യം തോന്നുന്ന സുകുമാരന്റെ ചെറുപ്പകാലത്തെ ഫോട്ടോ പങ്കിട്ടാണ് സുപ്രിയയുടെ കുറിപ്പ്

1997 ജൂൺ 16നായിരുന്നു ഹൃദയാഘാതം മൂലം സുകുമാരന്റെ ആകസ്മിക മരണം

പ്രണയകാലത്തെ മല്ലികയും സുകുമാരനും