'എവിടെ ആ 15 ലക്ഷം'? പ്രിയങ്ക ഗുജറാത്തിലെ ആദ്യ റാലിയിൽ

മോദിയെ കടന്നാക്രമിച്ച് AICC ജനറൽ സെക്രട്ടറി പ്രിയങ്ക ഗാന്ധി

ഗുജറാത്തിലെ ഗാന്ധിനഗറിലെ തന്റെ ആദ്യ തെര‍ഞ്ഞെടുപ്പ് റാലിയിൽ പങ്കെടുത്ത് സംസാരിക്കവെയാണ് മോദിക്കെതിരെ പ്രിയങ്കയുടെ കടുത്ത വിമർശനങ്ങൾ

2കോടി ജനങ്ങൾക്ക് തൊഴിൽ, 15 ലക്ഷം അക്കൗണ്ടിൽ എന്നതടക്കം മോദിയുടെ പൊള്ളയായ വാഗ്ദാനങ്ങൾ എണ്ണിപ്പറഞ്ഞായിരുന്നു പ്രിയങ്കയുടെ വിമർശനം

സ്ത്രീ സുരക്ഷ, തൊഴിൽ, കാർഷിക പ്രതിസന്ധി എന്നിവയാകണം തെരഞ്ഞെടുപ്പില്‍ മുഖ്യ വിഷയമാകേണ്ടത്.

ഔദ്യോഗിക രാഷ്ട്രീയപ്രവേശനം നടത്തിയ ശേഷം ഗുജാറാത്തിൽ നടത്തിയ ആദ്യ രാഷ്ട്രീയ റാലിയിൽ കോൺഗ്രസ് അധ്യക്ഷനും സഹോദരനുമായ രാഹുൽ ഗാന്ധിയും അമ്മ സോണിയ ഗാന്ധിയും പ്രിയങ്കക്കൊപ്പമുണ്ടായിരുന്നു.

രാജ്യത്തെ ഓരോ സംവിധാനങ്ങളും തകർക്കപ്പെടുകയാണ്. എവിടെ നോക്കിയാലും വിദ്വേഷം പരത്തപ്പെടുകയാണ്. രാജ്യത്തെ സംരക്ഷിക്കുന്നതിനപ്പുറം എനിക്കോ നിങ്ങൾക്കോ വേറെ ഒന്നുമില്ല. അതിന് വേണ്ടി പരിശ്രമിക്കണം. മുന്നോട്ട് പോകണം പ്രിയങ്ക പറർഞ്ഞു

തെരഞ്ഞെടുപ്പിൽ അതീവ ജാഗരൂകരായിരിക്കണം. വോട്ട് ആയുധമാക്കണം. യഥാർഥ പ്രശ്നങ്ങൾ ഉയർത്തി ബുദ്ധിപരമായ തീരുമാനം എടുക്കണം.

രാജ്യത്ത് ഇപ്പോൾ നടക്കുന്ന കാര്യങ്ങൾ അതീവ സങ്കടകരമാണ്. നിങ്ങൾ കുറച്ചു കൂടി ബോധവാൻമാരാകണം. അതാണ് ശരിയായ ദേശസ്നേഹത്തിന്റെ തെളിവ്

തെരഞ്ഞെടുപ്പിലൂടെ നിങ്ങളുടെ ഭാവി തന്നെയാണ് നിങ്ങൾ നിർണയിക്കാൻ പോകുന്നത്. ജോലി അടക്കം നിങ്ങളുടെ വളർച്ചയ്ക്ക് എന്താണോ വേണ്ടത് അക്കാര്യത്തിൽ ശ്രദ്ധപതിപ്പിക്കുക.

പട്ടീദാർ സമുദായ നേതാവ് ഹർദിക് പട്ടേലും ചടങ്ങിൽ സന്നിഹിതനായിരുന്നു.

ഹർദിക് കോൺഗ്രസ് അംഗത്വം സ്വീകരിക്കുന്ന വേദി കൂടിയായി ചടങ്ങ് മാറി.

ആയിരക്കണക്കിന് പ്രവർത്തകരാണ് ഗാന്ധിനഗറിലെ പൊതുയോഗത്തിൽ പങ്കെടുക്കാനെത്തിയത്