ഇന്ത്യയിലെ ഏറ്റവും സമ്പന്നയായ നടി ആരാണ്? ദീപികയും ആലിയ ഭട്ടുമെല്ലാം പിന്നിൽ

ഇന്ത്യയിലെ ഏറ്റവും സമ്പന്നയായ നടി ആരാണ്? ദീപിക പദുകോൺ, ആലിയ ഭട്ട്, കരീന കപൂർ തുടങ്ങി പല പേരുകൾ മനസ്സിൽ വന്നേക്കാം.

എന്നാൽ ഇവർ ആരുമല്ല, അതിസമ്പന്നരുടെ പട്ടികയിൽ ഒന്നാമതുള്ള നായിക. അത് ഐശ്വര്യ റായ് ആണ്. ഏകദേശം 828 കോടിയാണ് ഐശ്വര്യ റായിയുടെ ആസ്തി എന്നാണ് റിപ്പോർട്ടുകൾ. ഇന്ത്യൻ ഏറ്റവും കൂടുതൽ പ്രതിഫലം വാങ്ങുന്ന നടി കൂടിയാണ് ഐശ്വര്യ.

ഒരു ചിത്രത്തിന് പത്ത് കോടിയാണ് ഐശ്വര്യയുടെ പ്രതിഫലം. ഏറ്റവും ഒടുവിൽ പുറത്തിറങ്ങിയ പൊന്നിയൻ സെൽവത്തിൽ ഒരു ഭാഗത്തിൽ മാത്രം അഭിനയിക്കാൻ ഐശ്വര്യ പത്ത് കോടി രൂപ പ്രതിഫലം വാങ്ങിയതായാണ് റിപ്പോർട്ടുകൾ.

പ്രിയങ്ക ചോപ്രയാണ് പട്ടികയിൽ രണ്ടാമതുള്ളത്. 580 കോടിയാണ് പ്രിയങ്കയുടെ ആസ്തി. കൂടാതെ, ബിസിനസ്സ് രംഗത്തും സജീവമായ താരത്തിന് ന്യൂയോർക്കിൽ ഒരു ആഢംബര റസ്റ്ററന്റ് അടക്കമുണ്ട്.

ആലിയ ഭട്ട് ആണ് പട്ടികയിൽ മൂന്നാം സ്ഥാനത്ത്. 557 കോടിയാണ് ആലിയയുടെ ആസ്തി. ഒരു ചിത്രത്തിന് ആലിയയുടെ പ്രതിഫലം 10 മുതൽ 15 കോടി രൂപ വരെയാണ്.

നാലം സ്ഥാനം കരീന കപൂറിനാണ്. 440 കോടിയാണ് കരീനയുടെ ആസ്തി.

പട്ടികയിൽ അഞ്ചാം സ്ഥാനത്താണ് ദീപിക പദുകോൺ. 314 കോടിയാണ് ദീപികയുടെ ആസ്തി. ഒരു ചിത്രത്തിന് ദീപികയുടെ പ്രതിഫലം പത്ത് മുതൽ പതിനഞ്ച് കോടി വരെയാണ്.

അനുഷ്ക ശർമ, മാധുരി ദീക്ഷിത് എന്നിവരാണ് അടുത്ത രണ്ട് സ്ഥാനത്തുള്ളത്. 255 കോടിയാണ് അനുഷ്കയുടെ ആസ്തി. മാധുരി ദീക്ഷിത്തിന് 248 കോടിയും.

കത്രീന കൈഫ് പട്ടികയിലുള്ള മറ്റൊരു താരം. 248 കോടി രൂപയാണ് കത്രീനയുടെ ആസ്തി.