IPL 2023| അമ്പമ്പോ എന്തൊരു അടി! ഐപിഎല്ലിലെ അതിവേഗ അർധ സെഞ്ചുറിയടിച്ച് ജയ്സ്വാൾ; രാജസ്ഥാന് രാജകീയ ജയം
- Published by:Rajesh V
- news18-malayalam
Last Updated:
കൊല്ക്കത്ത ഉയര്ത്തിയ 150 റണ്സ് വിജയലക്ഷ്യം വെറും 79 പന്തില് രാജസ്ഥാന് മറികടന്നു
advertisement
1/12

കൊൽക്കത്ത: തുടര്ച്ചയായ മൂന്ന് തോല്വികള്ക്ക് ശേഷം വിജയവഴിയില് തിരിച്ചെത്തി രാജസ്ഥാൻ റോയൽസ്. കൊല്ക്കത്ത നൈറ്റ് റൈഡേഴ്സിനെതിരേ ഈഡന് ഗാര്ഡന്സില് നേടിയ 9 വിക്കറ്റിന്റെ രാജകീയ ജയത്തോടെ 12 കളികളില് നിന്ന് 12 പോയിന്റുമായി രാജസ്ഥാന് മൂന്നാം സ്ഥാനത്തെത്തി. (Pic Credit: Sportzpics)
advertisement
2/12
കൊല്ക്കത്ത ഉയര്ത്തിയ 150 റണ്സ് വിജയലക്ഷ്യം വെറും 79 പന്തില് രാജസ്ഥാന് മറികടന്നു. ഐപിഎല്ലിലെ വേഗമേറിയ അര്ധ സെഞ്ചുറി നേടിയ യശസ്വി ജയ്സ്വാളിന്റെയും ക്യാപ്റ്റന് സഞ്ജു സാംസന്റെയും ഇന്നിങ്സുകളാണ് രാജസ്ഥാന് ജയം എളുപ്പമാക്കിയത്. (Pic Credit: Sportzpics)
advertisement
3/12
ഐപിഎലിലെ വേഗമേറിയ അർധസെഞ്ചറി തികച്ച യശ്വസി ജയ്സ്വാൾ (47 പന്തിൽ 98*), ക്യാപ്റ്റൻ സഞ്ജു സാംസൺ (29 പന്തിൽ 48*) എന്നിവരാണ് രാജസ്ഥാന് തകർപ്പൻ ജയം സമ്മാനിച്ചത്. കൊൽക്കത്ത ഉയർത്തിയ 150 റൺസ് വിജയലക്ഷ്യം 41 പന്തുകളും ഒൻപത് വിക്കറ്റുകളും ബാക്കിയാക്കിയാണ് രാജസ്ഥാൻ മറികടന്നത്. (Pic Credit: Sportzpics)
advertisement
4/12
ആദ്യ പന്തിൽ തന്നെ ഗ്യാലറിയിലേക്ക് പന്ത് പായിച്ചുതുടങ്ങിയ ഓപ്പണർ യശ്വസി ജയ്സ്വാൾ പിന്നീട് ഇന്നിങ്സിൽ ഒരിക്കൽ പോലും വേഗത കുറച്ചില്ല. ആദ്യ ഓവറിൽ രണ്ടു സിക്സും മൂന്നു ഫോറും സഹിതം 26 റൺസാണ് ജയ്സ്വാൾ അടിച്ചുകൂട്ടിയത്. (Pic Credit: Sportzpics)
advertisement
5/12
ഐപിഎലിൽ ആദ്യ ഓവറിൽ നേടുന്ന ഏറ്റവും ഉയർന്ന രണ്ടാമത്തെ സ്കോറാണിത്. 2011ൽ മുംബൈ ഇന്ത്യൻസിനെതിരെ റോയൽ ചലഞ്ചേഴ്സ് ബാംഗ്ലൂർ നേടിയ 27 റൺസ് ഒന്നാം സ്ഥാനത്ത്. (Pic Credit: Sportzpics)
advertisement
6/12
രണ്ടാം ഓവറിൽ ജോസ് ബട്ലർ (0) റണ്ണൗട്ടായെങ്കിലും രാജസ്ഥാൻ ഇന്നിങ്സിനെ അതു തെല്ലും ബാധിച്ചില്ല. മൂന്നാം ഓവറിൽ രാജസ്ഥാൻ സ്കോറും ജയ്സ്വാളിന്റെ വ്യക്തിഗത സ്കോറും 50 കടന്നു. 13 പന്തിൽനിന്നാണ് ജയ്സ്വാൾ അർധ സെഞ്ചുറി തികച്ചത്. (Pic Credit: Sportzpics)
advertisement
7/12
ഐപിഎലിലെ ഏറ്റവും വേഗമേറിയ ഫിഫ്റ്റിയാണ് ജയ്സ്വാൾ നേടിയത്. 2018ൽ ഡൽഹിക്കെതിരെ അന്ന് പഞ്ചാബ് താരമായിരുന്ന കെ എൽ രാഹുൽ 14 പന്തിൽനിന്നു നേടിയ അർധസെഞ്ചുറിയുടെ റെക്കോർഡാണ് ജയ്സ്വാൾ തിരുത്തിയത്. (Pic Credit: Sportzpics)
advertisement
8/12
ജയ്സ്വാളിന് ഉറച്ച പിന്തുണയോടെ ക്യാപ്റ്റൻ സഞ്ജുവും കളം നിറഞ്ഞതോടെ രാജസ്ഥാൻ സ്കോർ അതിവേഗം കുതിച്ചു. സഞ്ജു അഞ്ച് സിക്സും രണ്ടു ഫോറും അടിച്ചു. (Pic Credit: Sportzpics)
advertisement
9/12
ആദ്യം ബാറ്റു ചെയ്തു കൊൽക്കത്ത നിശ്ചിത 20 ഓവറിൽ 8 വിക്കറ്റ് നഷ്ടത്തിലാണ് 149 റൺസെടുത്തത്. 4 വിക്കറ്റ് വീഴ്ത്തിയ സ്പിന്നർ യുസ്വേന്ദ്ര ചെഹലിന്റെ പ്രകടനമാണ് കൊൽക്കത്തയെ താരതമ്യേന ചെറിയ സ്കോറിൽ ഒതുക്കിയത്. ട്രെന്റ് ബോൾട്ട് 2 വിക്കറ്റും കെ എം ആസിഫ്, സന്ദീപ് ശർമ എന്നിവർ ഓരോ വിക്കറ്റ് വീതവും വീഴ്ത്തി. (Pic Credit: Sportzpics)
advertisement
10/12
കൊൽക്കത്ത നിരയിൽ അർധസെഞ്ചുറി നേടിയ വെങ്കടേഷ് അയ്യർ (42 പന്തിൽ 57) മാത്രമാണ് തിളങ്ങിയത്. ക്യാപ്റ്റൻ നിതീഷ റാണ 17 പന്തിൽ 22 റൺസ് നേടി. (Pic Credit: Sportzpics)
advertisement
11/12
ടോസ് നേടിയ രാജസ്ഥാൻ ക്യാപ്റ്റൻ സഞ്ജു സാംസൺ ബോളിങ് തെരഞ്ഞെടുക്കുകയായിരുന്നു. പവർപ്ലേ പൂർത്തിയാകുന്നതിനു മുൻപു തന്നെ ഓപ്പണർമാരായ ജയ്സൻ റോയ് (8 പന്തിൽ 10), റഹ്മാനുള്ള ഗുർബാസ് (12 പന്തിൽ 18) എന്നിവരെ കൊൽക്കത്തയ്ക്ക് നഷ്ടമായി. (Pic Credit: Sportzpics)
advertisement
12/12
മൂന്നാം വിക്കറ്റിൽ ഒന്നിച്ച വെങ്കടേഷ് അയ്യർ- നിതീഷ് റാണ കൂട്ടുകെട്ടാണ് കൊൽക്കത്തയെ വലിയ നാണക്കേടിൽ നിന്ന് രക്ഷിച്ചത്. ഇരുവരും ചേർന്ന് 48 റൺസ് സ്കോർബോർഡിൽ കൂട്ടിച്ചേർത്തു. (Pic Credit: Sportzpics)
മലയാളം വാർത്തകൾ/Photogallery/Sports/
IPL 2023| അമ്പമ്പോ എന്തൊരു അടി! ഐപിഎല്ലിലെ അതിവേഗ അർധ സെഞ്ചുറിയടിച്ച് ജയ്സ്വാൾ; രാജസ്ഥാന് രാജകീയ ജയം