17കാരിയുടെ വയറ്റിൽ 16 സെ.മീ. നീളത്തിൽ മുടിക്കെട്ട്; നീക്കം ചെയ്തത് 5 മണിക്കൂർ നീണ്ട ശസ്ത്രക്രിയയിൽ

ന്യൂഡല്‍ഹി:  ഖുഷി ഗൗതം എന്ന 17 വയസ്സുകാരിയുടെ വയറ്റിൽ നിന്ന് 16 സെൻ്റീമീറ്റർ നീളമുള്ള മുടിക്കെട്ട് അഞ്ചുമണിക്കൂർ നീണ്ട ശസ്ത്രക്രിയയിലൂടെ പുറത്തെടുത്തു. യുപിയിലെ സിന്ധൗലി ജില്ലയിലെ അംദാർ ഗ്രാമത്തിൽ നിന്നുള്ള ഖുഷി, കുറച്ച് ദിവസങ്ങളായി കടുത്ത വയറുവേദനയാലും  തുടർച്ചയായ ഛർദ്ദിയാലും കുറച്ചുദിവസങ്ങളായി കഷ്ടപ്പെടുകയായിരുന്നു. തുടർന്ന് രക്ഷിതാക്കൾ അവളെ ഷാജഹാൻപൂരിലെ സർക്കാർ മെഡിക്കൽ കോളേജിലേക്ക് കൊണ്ടുപോയി, അവിടെ നടത്തിയ സിടി സ്കാനിൽ വയറിനുള്ളിൽ വലിയൊരു മുടിക്കെട്ട് കണ്ടെത്തി.