300 വർഷം പഴക്കമുള്ള ചൈനീസ് ജിഞ്ചർ ജാർ ലേലത്തിന്; ഒന്നരലക്ഷം രൂപ വരെ കിട്ടുമെന്ന് പ്രതീക്ഷ

Last Updated:

ഇം​ഗ്ലണ്ടിലെ ഓക്സ്ഫോർഡ്ഷയറിലെ ഒരു ഫാംഹൗസിലാണ് ഈ ജിഞ്ചർ ജാർ പ്രദർശനത്തിന് വെച്ചിരുന്നത്

300 വർഷം പഴക്കമുള്ള ചൈനീസ് ജിഞ്ചർ ജാർ ലേലത്തിന് വെയ്ക്കാനൊരുങ്ങുന്നു. 9 ഇഞ്ച് വലിപ്പമുള്ള ഈ സെറാമിക് ജാറിന് 1,200 പൗണ്ട് മുതൽ 1,900 പൗണ്ട് വരെ (99,000 രൂപ മുതൽ 1.5 ലക്ഷം രൂപ വരെ) വില ലഭിക്കും എന്നാണ് പ്രതീക്ഷിക്കുന്നത്. ഇം​ഗ്ലണ്ടിലെ ഓക്സ്ഫോർഡ്ഷയറിലെ ഒരു ഫാംഹൗസിലാണ് ഈ ജിഞ്ചർ ജാർ പ്രദർശനത്തിന് വെച്ചിരുന്നത്. ഇത് ലേലക്കമ്പനി നടത്തുന്ന പോൾ ഫോക്‌സിന്റെ ശ്രദ്ധ പിടിച്ചുപറ്റുകയായിരുന്നു. ജാറിനെക്കുറിച്ച് പോൾ ഫോക്‌സ് കൂടുതൽ ​ഗവേഷണം നടത്തുകയും ചെയ്തു.
1661 മുതൽ 1722 വരെ ചൈന ഭരിച്ചിരുന്ന കാങ്‌സി ചക്രവർത്തിയുടെ കാലത്താണ് ഈ ജിഞ്ചർ ജാർ ഉണ്ടാക്കിയതെന്ന് വിദഗ്ധർ ഔദ്യോഗികമായി സ്ഥിരീകരിച്ചിട്ടുണ്ട്. വെള്ളയും നീലയും നിറങ്ങളിലാണ് ഇത് തയ്യാറാക്കിയിരിക്കുന്നത്. നീല നിറം കാങ്‌സി കാലഘട്ടത്തിന്റെ സൂചകമാണെന്നും വി​ദ​ഗ്ധർ പറയുന്നു. ചൈനീസ് സംസ്കാരത്തിൽ, നീല നിറത്തിന് വലിയ പ്രാധാന്യം ഉണ്ടെന്നും പോൾ ഫോക്സ് പറഞ്ഞു. ഇത് വളർച്ചയുടെയും പുരോഗതിയുടെയും പ്രതീകമാണ്.
ഫെബ്രുവരി 3 ന് ഈ ചൈനീസ് ജിഞ്ചർ ജാർ ലേലം ചെയ്യുമെന്നാണ് റിപ്പോർട്ടുകൾ. ഇത്തരത്തിലുള്ള മൂല്യമേറിയ സ്വന്തമാക്കാൻ താത്പര്യം ഉള്ളവരെ പോൾ ഫോക്സ് ലേലത്തിലേക്ക് സ്വാ​ഗതം ചെയ്തിട്ടുമുണ്ട്. പലരും തങ്ങളുടെ കയ്യിലുള്ള ഇത്തരം വസ്തുക്കളുടെ മൂല്യം തിരിച്ചറിയാതെ, പാരമ്പര്യമായി ലഭിച്ച വിലപ്പെട്ട വസ്തുക്കൾ വെറുതേ കയ്യിൽ വെച്ചിരിക്കുകയാണെന്നും അദ്ദേഹം ചൂണ്ടിക്കാട്ടി. ഈ ജിഞ്ചർ ജാറിന്റെ ഉടമ പോലും ഇതിന് ഇത്രയും മൂല്യം ഉണ്ടെന്ന് കരുതിയിരുന്നില്ല എന്നും ഇത് നീലയും വെള്ളയും നിറമുള്ള വെറുമൊരു മൺപാത്രം ആണെന്നാണ് അദ്ദേഹം വിചാരിച്ചിരുന്നത് എന്നും ഫോക്സ് കൂട്ടിച്ചേർത്തു.
മലയാളം വാർത്തകൾ/ വാർത്ത/Buzz/
300 വർഷം പഴക്കമുള്ള ചൈനീസ് ജിഞ്ചർ ജാർ ലേലത്തിന്; ഒന്നരലക്ഷം രൂപ വരെ കിട്ടുമെന്ന് പ്രതീക്ഷ
Next Article
advertisement
ശ്രീപത്മനാഭസ്വാമി ക്ഷേത്രത്തിലെ ആറാട്ട്;  തിരുവനന്തപുരം വിമാനത്താവളം 5 മണിക്കൂർ അടച്ചിടും; നഗരത്തിൽ  ഉച്ചകഴിഞ്ഞ് അവധി
ശ്രീപത്മനാഭസ്വാമി ക്ഷേത്രത്തിലെ ആറാട്ട്;തിരുവനന്തപുരം വിമാനത്താവളം 5 മണിക്കൂർ അടച്ചിടും;നഗരത്തിൽ ഉച്ചകഴിഞ്ഞ് അവധി
  • തിരുവനന്തപുരം വിമാനത്താവളം അല്‍പശി ആറാട്ട് പ്രമാണിച്ച് ഇന്ന് വൈകിട്ട് 4.45 മുതൽ 9 വരെ അടച്ചിടും.

  • അല്‍പശി ആറാട്ട് പ്രമാണിച്ച് തിരുവനന്തപുരം നഗരത്തിലെ സർക്കാർ ഓഫീസുകൾക്ക് ഉച്ചതിരിഞ്ഞ് അവധി.

  • യാത്രക്കാർ പുതുക്കിയ വിമാന ഷെഡ്യൂളും സമയവും അറിയാൻ എയർലൈനുകളുമായി ബന്ധപ്പെടണമെന്ന് അധികൃതർ.

View All
advertisement