WATCH: ചൈനയിലെ 980 അടി ഉയരമുള്ള ബഹുനില കെട്ടിടം കുലുങ്ങി; ഓടി രക്ഷപ്പെട്ട് ആളുകൾ

ചൈനയിലെ ഏറ്റവും ഉയരം കൂടിയ ബഹുനില കെട്ടിടം കുലുങ്ങിയതിനെ തുടർന്ന് ചൊവ്വാഴ്ച ആളുകളെ കെട്ടിടത്തിൽ ഒഴിപ്പിച്ചു. 300 മീറ്ററോളം (980 അടി) ഉയരമുള്ള സെഗ് പ്ലാസ ഉച്ചയ്ക്ക് ഒരു മണിയോടെയാണ് കുലുങ്ങാൻ തുടങ്ങിയത്. പുറത്ത് നിന്ന കാൽനടയാത്രക്കാരാണ് കെട്ടിടം കുലുങ്ങുന്നത് ആദ്യം കണ്ടത്. തുടർന്ന് ആളുകളെ കെട്ടിടത്തിൽ നിന്ന് ഒഴിപ്പിച്ചു. പ്രാദേശിക മാധ്യമങ്ങളുടെ റിപ്പോർട്ട് അനുസരിച്ച് ഉച്ചയ്ക്ക് 2:40 വരെ കെട്ടിടം അടച്ചിട്ടിരുന്നു. 2000ൽ പണി പൂർത്തീകരിച്ച ഈ ടവർ ഒരു പ്രധാന ഇലക്ട്രോണിക്സ് മാർക്കറ്റാണ്. കൂടാതെ ചൈനയിലെ അതിവേഗം വളരുന്ന നഗരങ്ങളിലൊന്നായ ഡൌൺ‌ടൌണിലെ വിവിധ ഓഫീസുകളുടെയും ആസ്ഥാനമാണ്.