‘ഒരാള് രണ്ട് തവണ മുഖ്യമന്ത്രിയാകണമെങ്കില് നല്ല വ്യക്തി കൂടിയാകണം’: പിണറായി വിജയനെ പുകഴ്ത്തി നടന് രവി മോഹന്
- Published by:Sarika N
- news18-malayalam
Last Updated:
മുഖ്യമന്ത്രി നല്ല ആരോഗ്യത്തോടെ മുന്നോട്ട് പോകട്ടേയെന്നും രവി മോഹൻ ആശംസിച്ചു
തിരുവനന്തപുരം: കേരള സംസ്ഥാന സർക്കാരിന്റെ ഓണം വാരാഘോഷം ഉദ്ഘാടന ചടങ്ങിൽ പങ്കെടുത്ത തമിഴ് നടൻ രവി മോഹൻ മുഖ്യമന്ത്രി പിണറായി വിജയനെ പ്രശംസിച്ചു. ഒരു വ്യക്തി രണ്ടുതവണ മുഖ്യമന്ത്രിയാകണമെങ്കിൽ അദ്ദേഹം മികച്ച രാഷ്ട്രീയ നേതാവ് മാത്രമല്ല, നല്ലൊരു വ്യക്തി കൂടിയായിരിക്കണമെന്ന് രവി മോഹൻ പറഞ്ഞു. കൂടാതെ, മുഖ്യമന്ത്രിക്ക് നല്ല ആരോഗ്യം നേരുന്നുവെന്നും അദ്ദേഹം കൂട്ടിച്ചേർത്തു. സംസ്ഥാന സര്ക്കാറിന്റെ ഓണം വാരാഘോഷത്തിന്റെ ഉദ്ഘാടന ചടങ്ങില് മുഖ്യാതിഥിയായി സംസാരിക്കുകയായിരുന്നു രവി മോഹന്.
അതേസമയം, മുഖ്യമന്ത്രി പിണറായി വിജയൻ രവി മോഹന്റെ സിനിമകളെ മലയാളികൾ എന്നും ഹൃദയത്തോട് ചേർത്തുപിടിച്ചിട്ടുണ്ടെന്ന് വ്യക്തമാക്കി. മലയാള സിനിമയുടെ കലാസാംസ്കാരിക രംഗത്തിന്റെ ഭാഗം കൂടിയാണ് നടനെന്നും മുഖ്യമന്ത്രി പറഞ്ഞു. ചടങ്ങിലെ മറ്റൊരു മുഖ്യാതിഥിയായ ബേസിൽ ജോസഫിനെക്കുറിച്ചും അദ്ദേഹം സംസാരിച്ചു. യുവതലമുറയിലെ പ്രേക്ഷകർക്കിടയിൽ ബേസിൽ ജോസഫ് ഏറെ സ്വീകാര്യനായ ഒരു നടനും സംവിധായകനുമാണെന്ന് മുഖ്യമന്ത്രി അഭിപ്രായപ്പെട്ടു.
മന്ത്രിമാർ, പ്രതിപക്ഷ നേതാവ്, എംപിമാർ, എംഎൽഎമാർ, മേയർ തുടങ്ങിയ പ്രമുഖ ജനപ്രതിനിധികൾ ഉദ്ഘാടന ചടങ്ങിന് സാക്ഷ്യം വഹിച്ചു. യുകെ, ഫ്രാൻസ്, വിയറ്റ്നാം, ഇന്തോനേഷ്യ, തായ്വാൻ, ശ്രീലങ്ക, നേപ്പാൾ, മലേഷ്യ, റൊമാനിയ, ദക്ഷിണകൊറിയ തുടങ്ങി നിരവധി വിദേശ രാജ്യങ്ങളിൽ നിന്നുള്ള വിനോദസഞ്ചാരികൾ ഓണാഘോഷങ്ങൾക്ക് അതിഥികളായി എത്തുമെന്ന പ്രത്യേകതയും ഇത്തവണയുണ്ട്. സെപ്റ്റംബർ 9-ന് വൈകുന്നേരം നടക്കുന്ന ഘോഷയാത്രയോടെ സംസ്ഥാന സർക്കാരിന്റെ ഈ വർഷത്തെ ഓണം വാരാഘോഷത്തിന് സമാപനമാകും.
Click here to add News18 as your preferred news source on Google. നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
Sep 04, 2025 9:35 AM IST
മലയാളം വാർത്തകൾ/ വാർത്ത/Buzz/
‘ഒരാള് രണ്ട് തവണ മുഖ്യമന്ത്രിയാകണമെങ്കില് നല്ല വ്യക്തി കൂടിയാകണം’: പിണറായി വിജയനെ പുകഴ്ത്തി നടന് രവി മോഹന്
