ഇത് 'മഹാരാജ'യുടെ സ്നേഹസമ്മാനം ; സംവിധായകൻ നിതിലന് ബിഎംഡബ്ല്യു സമ്മാനിച്ച് വിജയ് സേതുപതി

നിരവധി ആരാധകരുള്ള തെന്നിന്ത്യൻ സൂപ്പർ താരമാണ് മക്കള്‍ സെല്‍വന്‍ എന്ന് അറിയപ്പെടുന്ന വിജയ് സേതുപതി. താരത്തിന്റെ ഈ വർഷം ഇറങ്ങിയ ഹിറ്റ് സിനിമയാണ് മഹാരാജ. വിജയ് സേതുപതിയെ നായകനാക്കി നിതിലൻ സ്വാമിനാഥൻ സംവിധാനം ചെയ്ത മഹാരാജ തമിഴിൽ ഈ വർഷം ഇറങ്ങിയ ഹിറ്റ് ചിത്രങ്ങളുടെ ചാർട്ടിൽ ഇടംപിടിച്ചിരുന്നു. ജൂൺ 14 ന് തിയേറ്ററുകളിൽ റിലീസ് ചെയ്ത ചിത്രം പിന്നീട് നെറ്റ്ഫ്‌ളിക്‌സിലും റിലീസ് ചെയ്തിരുന്നു. നെറ്റ്ഫ്‌ളിക്‌സിൽ ഏറ്റവും കൂടുതൽ പേർ കണ്ട ഇന്ത്യൻ ചിത്രമായും മഹാരാജ മാറിയിരുന്നു. മഹാരാജയുടെ ഈ വിജയത്തിൽ സംവിധായകൻ നിതിലന് പുതിയ ബിഎംഡബ്യു കാർ സമ്മാനിച്ചിരിക്കുകയാണ് നിർമാതാക്കളായ സുദൻ സുന്ദരവും ജഗദീഷ് പളനിസ്വാമിയും. നടൻ വിജയ് സേതുപതിയാണ് കാറിന്റെ കീ നിതിലന് സമ്മാനിച്ചത്.