'സ്ലിപ്പർ ഇട്ട ഞങ്ങളെ ബംഗളൂരുവിലെ റസ്റ്റോറന്റിൽ കയറ്റിയില്ല;' സംരംഭകൻ

മുണ്ട് ധരിച്ചതിനെത്തുടർന്ന് കർഷകന് മാളിൽ പ്രവേശനം നിഷേധിച്ച സംഭവം ആണ് ഇപ്പോൾ ഏറെ ചർച്ചയായിരിക്കുന്നത്. ഇതിന് പിന്നാലെ ഇത്തരത്തിൽ തനിക്കുണ്ടായ മറ്റൊരു അനുഭവം പങ്കുവെച്ച് രംഗത്തെത്തിയിരിക്കുകയാണ് ഫ്രിഡോ സ്ഥാപകനും സിഇഒയുമായ ഗണേഷ് സോനവാനെ. ഷൂവിന് പകരം സ്ലിപ്പർ ചെരുപ്പ് ധരിച്ചെത്തിയതിനെ തുടർന്ന് ബംഗളുരു നഗരത്തിലെ ഒരു റസ്റ്റോറന്റ് തനിക്കും ഏഥർ എനർജിയുടെ സഹസ്ഥാപകൻ സ്വപ്‌നിൽ ജെയ്‌നും പ്രവേശനം നിഷേധിച്ച സംഭവമാണ് അദ്ദേഹം വെളിപ്പെടുത്തിയത്. എക്‌സിൽ ആണ് അദ്ദേഹം ഇക്കാര്യം പങ്കുവെച്ചത്.