മദ്യപിച്ചും സിഗററ്റ് വലിച്ചും ഞണ്ട്; വീഡിയോ കണ്ട് അമ്പരന്ന് സോഷ്യൽ മീഡിയ

മനുഷ്യനെപ്പോലെ മദ്യപിക്കുകയും, സിഗററ്റ് വലിയ്ക്കുകയും ചെയ്യുന്ന ഒരു ഞണ്ടിന്റെ വീഡിയോ സമൂഹ മാധ്യമങ്ങളിൽ വൈറലാകുന്നു. ക്രസ്റ്റേഷ്യൻ ( crustacean ) വിഭാഗത്തിൾപ്പെടുന്ന ഞണ്ടിന്റെ വീഡിയോയാണ് തരംഗമാകുന്നത്. വീഡിയോയിൽ തന്റെ ഒരു കാൽ ഒരു ബിയർ കാനിലും മറ്റേ കാലിൽ ഒരു സിഗരറ്റും പിടിച്ചു നിൽക്കുന്ന ഞണ്ടിനെയാണ് കാണാൻ സാധിക്കുക. സിഗരറ്റ് തന്റെ കാലുകൾ ഉപയോഗിച്ച് അടുത്തേക്ക് കൊണ്ട് വരികയും വീണ്ടും അകലേക്ക്‌ മാറ്റുകയും ചെയ്യുന്ന ഞണ്ട് മനുഷ്യർ സിഗരറ്റ് വലിക്കുന്ന രീതിയിലാണ് ചെയ്യുന്നത്. ഇൻസ്റ്റഗ്രാമിൽ പങ്ക് വയ്ക്കപ്പെട്ട വീഡിയോയ്ക്ക് നിരവധി പ്രതികരണങ്ങളാണ് ലഭിക്കുന്നത്. വീഡിയോ യഥാർത്ഥമാണോ എന്ന സംശയവും ചിലർ ഉന്നയിക്കുന്നു.