'ഓസ്ട്രേലിയ നിങ്ങളെക്കുറിച്ചോർത്ത് അഭിമാനിക്കുന്നു'; മലയാളി നഴ്സിന് അഭിനന്ദനവുമായി ഗിൽക്രിസ്റ്റ്

‘നിങ്ങളുടെ നിസ്വാര്‍ത്ഥമായ പ്രവൃത്തിക്ക് അഭിനന്ദനങ്ങള്‍ ഷാരോണ്‍, നിങ്ങള്‍ ആ സമയം (കോവിഡ് വ്യാപനകാലം) മുഴുവനും പ്രായമായര്‍ക്കുള്ള കെയര്‍ ഹോമില്‍ ജോലി ചെയ്യുകയായിരുന്നു’- ആദം ഗില്‍ക്രിസ്റ്റ് പറഞ്ഞു. ‘ഞാന്‍ നിങ്ങളെ അറിയിക്കുന്നതെന്തെന്നാല്‍ ഓസ്‌ട്രേലിയ മുഴുവനും, ഇന്ത്യ മുഴുവനും അതിനേക്കാള്‍ പ്രധാനമായി നിങ്ങളുടെ കുടുംബവും നിങ്ങളുടെ പരിശ്രമത്തില്‍ വളരെ അഭിമാനത്തിലാണ്’- ആദം ഗില്‍ക്രിസ്റ്റ് വീഡിയോയില്‍ പറയുന്നു. ഓസ്‌ട്രേലിയന്‍ ട്രേഡ് ആന്‍ഡ് ഇന്‍വെസ്റ്റ്‌മെന്റ് കമ്മീഷന്‍ ഇറക്കിയ വീഡിയയോയിലാണ് ആദം ഗില്‍ ക്രിസ്റ്റിന്റെ പ്രതികരണം.

ഗിൽക്രിസ്റ്റിന് പുറമെ യുണൈറ്റഡ് നഴ്‌സസ് അസോസിയേഷനും കേരളത്തിലെ നഴ്‌സുമാര്‍ക്ക് അഭിനന്ദനവുമായി എത്തി. ‘20 ലക്ഷം നഴ്സുമാർ വിദേശത്ത് സേവനം അനുഷ്ഠിക്കുകയാണ്. ഇതിൽ 15 ലക്ഷവും കേരളത്തില്‍ നിന്നുള്ളവരാണ്''- യുണൈറ്റഡ് നഴ്‌സസ് അസോസിയേഷന്‍ ജനറല്‍ സെക്രട്ടറി സുജനപാൽ അച്യുതൻ പറഞ്ഞു.