'നിങ്ങളുടെ കഠിനാധ്വാനത്തിനും വിനയത്തിനും മുന്നിൽ താണു വണങ്ങുന്നു': ഷാരൂഖിനെ പ്രശംസിച്ച് കങ്കണ

ആറ്റ്‌ലി, നയൻതാര, വിജയ് സേതുപതി എന്നിവർക്കൊപ്പം ഷാരൂഖ് ഖാൻ ആദ്യമായി ഒന്നിക്കുന്ന ചിത്രം ജവാൻ ഗംഭീര പ്രതികരണമാണ് ലഭിക്കുന്നത്. ചിത്രത്തിന്റെ റിലീസിനു പിന്നാലെ സൂപ്പർ സ്റ്റാർ ഷാരൂഖ് ഖാനെ പ്രശംസിച്ച് നിരവധി പേരാണ് എത്തുന്നത്. ഇപ്പോഴിതാ താരത്തെ പ്രശംസിച്ച് രം​ഗത്തെത്തിയിരിക്കുകയാണ് ബോളിവുഡ് നടി കങ്കണ റണാവത്ത്. ഇന്ത്യൻ സിനിമയുടെ ദൈവമാണ് ഷാരുഖ് ഖാൻ എന്നും ഷാരുഖിന്റെ കഠിനാധ്വാനത്തെ പ്രശംസിച്ചുകൊണ്ടും താരം കുറിച്ചു. ഇൻസ്റ്റഗ്രാമിലാണ് താരം തന്റെ പ്രശംസ അറിയിച്ചത്.