Jawan | ആദ്യ ദിവസം പണം വാരി ഷാരൂഖ് ഖാൻ ചിത്രം 'ജവാൻ'; ബോക്സ് ഓഫീസിൽ നേടിയത്

എങ്ങും ഗംഭീര പ്രതികരണം എന്ന് ചുരുങ്ങിയ വാക്കുകളിൽ വിലയിരുത്താം ഷാരൂഖ് ഖാൻ (Shah Rukh Khan) ചിത്രം ജവാനെ (Jawan). ആറ്റ്‌ലി, നയൻതാര, വിജയ് സേതുപതി എന്നിവർക്കൊപ്പം ഷാരൂഖ് ഖാൻ (Shah Rukh Khan) ആദ്യമായി ഒന്നിക്കുന്ന ചിത്രമാണ് ജവാൻ. ഉത്തരേന്ത്യയിലും തെന്നിന്ത്യയിലും ചിത്രം പ്രേക്ഷകരെ തിയേറ്ററിലെത്തിക്കുന്നതിൽ വിജയിച്ചു കഴിഞ്ഞു. നയൻതാരയും സേതുപതിയും ജവാന് മുമ്പ് ഒന്നിലധികം ചിത്രങ്ങളിൽ ഒരുമിച്ച് പ്രവർത്തിച്ചിട്ടുണ്ട്

ആറ്റ്‌ലിയുടെ ഹിന്ദി സംവിധായക അരങ്ങേറ്റം എന്നതും പ്രത്യേകതയാണ്. ഫിലിം ട്രേഡ് അനലിസ്റ്റ് തരൺ ആദർശ് ജവാനെക്കുറിച്ചുള്ള തന്റെ അവലോകനത്തിൽ ചിത്രത്തെ ഒരു മെഗാ ബ്ലോക്ക്ബസ്റ്റർ എന്ന് വിളിക്കുകയും ചെയ്തു. വാക്കുകൾ കൊണ്ടുള്ള പ്രശംസ മാത്രമല്ല, ജവാൻ ബോക്സ് ഓഫീസിലും വാരിക്കൂട്ടിയത് പൊൻതിളക്കം (തുടർന്ന് വായിക്കുക)

റിലീസിന് മുന്നോടിയായി, ജവാൻ മുൻകൂർ ബുക്കിംഗിൽ റെക്കോർഡുകൾ തകർത്തു വാരി. ദേശീയ മേഖലകളിൽ ഒന്നാം ദിവസം 557,000 ടിക്കറ്റുകൾ വിറ്റ് പത്താനെ മറികടക്കുകയും ചെയ്തു

Sacnilk.comന്റെ ആദ്യകാല കണക്കുകൾ പ്രകാരം, ആദ്യ ദിവസം ജവാൻ എല്ലാ ഭാഷകളിലുമായി 75 കോടി രൂപ നേടി. ബോളിവുഡിലെ എക്കാലത്തെയും വലിയ ഓപ്പണറാണ് ഷാരൂഖ് ഖാൻ നായകനായ ചിത്രം. ഹിന്ദി പതിപ്പിൽ റിലീസ് ദിവസം ചിത്രം 58.67 ശതമാനം ഒക്യുപെൻസി രേഖപ്പെടുത്തി

നൈറ്റ് ഷോകളിൽ രേഖപ്പെടുത്തിയ ഉയർന്ന നിരക്ക് 69.34 ശതമാനമാണ്. ഹിന്ദി പതിപ്പിൽ 81 ശതമാനവുമായി ചെന്നൈയിലാണ് ഏറ്റവും കൂടുതൽ ആളുകൾ കണ്ടത്. സൂറത്ത് ഏറ്റവും കുറവ് രേഖപ്പെടുത്തി. 44.50 ശതമാനമാണ് ഇവിടുത്തെ പ്രതികരണം

തമിഴ് പതിപ്പിൽ ജവാൻ 55.80 ശതമാനവും തെലുങ്ക് പതിപ്പിന് 76.06 ശതമാനം പ്രേക്ഷകരെയും ലഭിച്ചു. ജവാൻ ഹിന്ദി പതിപ്പിൽ മോണിംഗ് ഷോകൾ: 46.11 ശതമാനം, ഉച്ചകഴിഞ്ഞുള്ള ഷോകൾ: 54.27 ശതമാനം, ഈവനിംഗ് ഷോകൾ: 64.94 ശതമാനം, നൈറ്റ് ഷോകൾ: 69.34 ശതമാനം എന്നിങ്ങനെയാണ് പ്രേക്ഷക പ്രതികരണം രേഖപ്പെടുത്തിയത്