'അവന് ഒരു പോരാളിയാണ്'; പത്താം ക്ലാസ് പരീക്ഷയില് തോറ്റ മകന് കേക്ക് മുറിച്ച് നല്കി മാതാപിതാക്കള്
- Published by:Sneha Reghu
- news18-malayalam
Last Updated:
മകൻ പത്താം ക്ലാസ് വരെ എത്തിയെന്നുള്ളത് വളരെ വലിയ നേട്ടമാണെന്ന് പിതാവ് പറഞ്ഞു
പത്താം ക്ലാസ് പരീക്ഷയില് മക്കള് ജയിക്കുമ്പോള് ബന്ധുക്കൾക്കും അയൽക്കാർക്കും പായസം വെച്ചും ലഡു വിതരണം ചെയ്തും മാതാപിതാക്കള് ആഘോഷിക്കുന്നത് സര്വസാധാരണമായ കാഴ്ചയാണ്. എന്നാല്, പത്താം ക്ലാസ് പരീക്ഷയില് തോറ്റുപോയ മകന് കേക്ക് വാങ്ങി മുറിച്ച് നല്കി വ്യത്യസ്തമാകുകയാണ് കര്ണാടകയില് നിന്നുള്ള മാതാപിതാക്കള്. കര്ണാടകയിലെ ബാഗല്ഗോട്ടിലെ ബസവേശ്വര് ഇംഗ്ലീഷ് മീഡിയം സ്കൂളിലെ വിദ്യാര്ഥിയായ അഭിഷേക് ചോളച്ചഗുഡ്ഡ പത്താം ക്ലാസ് ബോര്ഡ് പരീക്ഷയില് 600ല് 200 മാര്ക്കാണ് നേടിയത്. പരീക്ഷയിൽ 32 ശതമാനം മാത്രം മാര്ക്ക് നേടിയ അഭിഷേകിനെ സുഹൃത്തുക്കള് കളിയാക്കിയിരുന്നു. എന്നാല്, അഭിഷേകിന്റെ അച്ഛന് യെല്ലപ്പ ചോളച്ചഗുഡ്ഡ മകന് കേക്ക് മുറിച്ച് നല്കാനാണ് തീരുമാനിച്ചത്. ''അഭിഷേകിന് ഒരു വയസ്സുള്ളപ്പോള് അവന്റെ കാലില് ഗുരുതരമായി പൊള്ളലേറ്റിരുന്നു. അത് അവനെ വളരെയധികം ഭയപ്പെടുത്തി. അവന്റെ ഓര്മ നഷ്ടപ്പെട്ടു. അതിന് ശേഷം അവന് കാര്യങ്ങള് ഓര്ത്തിരിക്കുക വളരെ ബുദ്ധിമുട്ടേറിയ കാര്യമായിരുന്നു. അവന് പത്താം ക്ലാസ് വരെ എത്തിയെന്നുള്ളത് തന്നെ വളരെ വലിയ നേട്ടമാണ്,'' യെല്ലപ്പ പറഞ്ഞതായി ഇന്ത്യന് എക്സ്പ്രസ് റിപ്പോര്ട്ട് ചെയ്തു
''എന്റെ മകന് പരീക്ഷയില് തോറ്റുവെങ്കിലും ജീവിതത്തില് തോറ്റിട്ടില്ല. അവന് 200 മാര്ക്ക് നേടിയതില് എനിക്ക് വളരെ സന്തോഷമുണ്ട്. കുടുംബം മുഴുവന് അവനോടൊപ്പമുണ്ടെന്ന് ഒരു സന്ദേശം നല്കാനാണ് ഞാന് ആഗ്രഹിച്ചത്,'' അദ്ദേഹം കൂട്ടിച്ചേര്ത്തു.
''ഞാനാണ് ആഘോഷിക്കാന് തീരുമാനിച്ചത്. അവന്റെ മാര്ക്ക് എഴുതിയ രണ്ട് കേക്കുകള് വാങ്ങി. ഞങ്ങള് സന്തുഷ്ടരാണ്. ഒരു ജോലി നേടാനാകാതെ വീട്ടിലിരിക്കുന്ന നിരവധി ബിരുദധാരികളെ ഞാന് കട്ടിട്ടുണ്ട്. പക്ഷേ, എന്റെ മകന് ശക്തനാണ്, അവന് പോരാടാന് തയ്യാറാണ്. അതിനൊരുപാട് അര്ത്ഥമുണ്ട്,'' യെല്ലപ്പ പറഞ്ഞു.
advertisement
തനിക്ക് ശക്തമായ പിന്തുണ നല്കിയതിന് അഭിഷേക് തന്റെ കുടുംബാംഗങ്ങള്ക്ക് നന്ദി പറഞ്ഞു. ''ഞാന് വീണ്ടും പരീക്ഷ എഴുതും. ഞാന് പരാജയപ്പെട്ടാലും എന്റെ ജീവിതത്തില് എന്തെങ്കിലും നേടുന്നത് വരെ ഞാന് പരിശ്രമിച്ചുകൊണ്ടിരിക്കും,'' വാര്ത്താ ഏജന്സിയായ പിടിഐയോട് അഭിഷേക് പറഞ്ഞു. അഭിഷേകിന് മാതാപിതാക്കൾ കേക്ക് മുറിച്ച് നൽകുന്ന വീഡിയോ സോഷ്യൽ മീഡിയയിൽ വൈറലാണ്.
കഴിഞ്ഞ വെള്ളിയാഴ്ചയാണ് കര്ണാടകയില് പത്താം ക്ലാസ് പരീക്ഷ ഫലം പ്രഖ്യാപിച്ചത്. 62.34 ശതമാനമാണ് വിജയശതമാനം. മുന് വര്ഷത്തെക്കാള് ഒന്പത് ശതമാനമാണ് വര്ധന രേഖപ്പെടുത്തിയിരിക്കുന്നത്.
advertisement
കര്ണാടക സര്ക്കാര് സ്കൂളില് നിന്നുള്ള രണ്ട് വിദ്യാര്ഥികള് ഉള്പ്പെടെ നിരവധി വിദ്യാർഥികൾക്ക് പരീക്ഷയില് മുഴുവന് മാര്ക്കും ലഭിച്ചു. അവരില് 75 ശതമാനം പേര് ഫസ്റ്റ് ക്ലാസ് യോഗ്യത നേടി.
നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
Bangalore,Karnataka
First Published :
May 06, 2025 3:10 PM IST
മലയാളം വാർത്തകൾ/ വാർത്ത/Buzz/
'അവന് ഒരു പോരാളിയാണ്'; പത്താം ക്ലാസ് പരീക്ഷയില് തോറ്റ മകന് കേക്ക് മുറിച്ച് നല്കി മാതാപിതാക്കള്
