JEE പരീക്ഷയിൽ അടുത്തിരുന്നയാൾ തന്റെ ഉത്തരങ്ങൾ കോപ്പിയടിച്ചെന്ന ആരോപണവുമായി വിദ്യാർത്ഥി

ജെഇഇ മെയിൻസ് പരീക്ഷയിൽ അടുത്തിരുന്ന് പരീക്ഷയെഴുതിയ യുവാവ് തന്റെ ഉത്തരങ്ങൾ കോപ്പി അടിച്ചെന്ന ആരോപണവുമായി വിദ്യാർത്ഥി. റെഡ്‌ഡിറ്റിൽ പങ്ക് വയ്ക്കപ്പെട്ട പോസ്റ്റിലാണ് വിദ്യാർത്ഥി കോപ്പിയടി ആരോപണം ഉന്നയിച്ചത്. ജെഇഇ മെയിൻസിന്റെ പരീക്ഷാ ഫലം പുറത്ത് വന്ന് ദിവസങ്ങൾക്കകമാണ് ആരോപണവുമായി വിദ്യാർത്ഥി മുന്നോട്ട് വന്നിരിക്കുന്നത്. പരീക്ഷയിൽ തനിക്ക് ഒപ്പമിരുന്ന കുട്ടിക്കും 300 മാർക്ക് കിട്ടിയെന്നും, തന്റെ 75 ഉത്തരങ്ങളും അതുപോലെ കോപ്പിയടിച്ചാണ് ഈ യുവാവ് മാർക്ക് വാങ്ങിയതെന്നുമാണ് വിദ്യാർത്ഥിയുടെ ആരോപണം. പോസ്റ്റ് വൈറലായതോടെ വിദ്യാർത്ഥിയെ അനുകൂലിച്ചും പ്രതികൂലിച്ചും നിരവധിപ്പേർ അഭിപ്രായങ്ങൾ രേഖപ്പെടുത്തുന്നുണ്ട്.