പ്രതികാരമോ? ഈ ജീവനക്കാരന്‍ അസമയങ്ങളിൽ ബോസിന് മെയില്‍ അയക്കുന്നത് എന്തിന്?

ലോകത്തെ തൊഴിലാളികളില്‍ ഭൂരിഭാഗം പേരും മോശം ഓഫീസ് സാഹചര്യങ്ങളില്‍ ജോലി ചെയ്യുന്നവരാണ്.ജീവനക്കാരെ മേലുദ്യോഗസ്ഥര്‍ ചൂഷണം ചെയ്യുന്നത് സ്ഥിരം സംഭവമാണ്. നിരവധി പേര്‍ ഇക്കാര്യം സോഷ്യല്‍ മീഡിയയിലൂടെ വ്യക്തമാക്കിയിട്ടുണ്ട്. എന്നാല്‍ ചിലര്‍ തങ്ങള്‍ക്ക് നേരെ നടക്കുന്ന അനീതിയ്‌ക്കെതിരെ ശബ്ദമുയര്‍ത്താന്‍ കഴിയാതെ സഹിച്ച് ജീവിക്കുകയും ചെയ്യുന്നുണ്ട്.എന്നാല്‍ ഈയടുത്ത് തങ്ങളെ നിരന്തരം ചൂഷണം ചെയ്യുന്ന ബോസിന് എട്ടിന്റെ പണി കൊടുത്തിരിക്കുകയാണ് ഒരു ജീവനക്കാരന്‍. കമ്പനിയില്‍ നിന്ന് വിരമിക്കാറായപ്പോഴാണ് അദ്ദേഹം പക വിട്ടാനായി രംഗത്തെത്തിയത്. റെഡ്ഡിറ്റില്‍ കുറിച്ച കുറിപ്പിലാണ് അദ്ദേഹം ഇക്കാര്യം വെളിപ്പെടുത്തിയത്.എങ്ങനെയാണ് ബോസിനോട് പകരം വീട്ടിയതെന്ന് റെഡ്ഡിറ്റിലെഴുതിയ കുറിപ്പില്‍ അദ്ദേഹം വിശദമാക്കുന്നുണ്ട്.''മൈക്രോസോഫ്റ്റ് ഔട്ട്‌ലുക് ഡിലേയ്ഡ് ഇമെയില്‍ ഉപയോഗിച്ച് എന്റെ ബോസിനെ ഞാന്‍ തകര്‍ത്തു,'' എന്ന തലക്കെട്ടോടെയാണ് അദ്ദേഹം കുറിപ്പ് പങ്കുവെച്ചത്.