ജോലിക്കിടെ ഭക്ഷണം കഴിക്കാൻ മറക്കാറുണ്ടെന്ന് സുക്കർബർഗ്; വൈറലായ അച്ഛന്റെ മറുപടി കാണാം

അമിതമായ ജോലിഭാരംകൊണ്ടോ വളരെ ആവേശകരമായ എന്തെങ്കിലും പ്രവൃത്തിയിൽ ഏർപ്പെടുന്നതു കൊണ്ടോ ഭക്ഷണം ഒഴിവാക്കുന്ന കാര്യത്തിലുള്ള കുറ്റബോധം നമ്മളിൽ പലരും പങ്കുവെയ്ക്കുന്നുണ്ടാകും. നമ്മളെപ്പോലുള്ള സാധാരണക്കാർക്ക് മാത്രമല്ല  ഫേസ്ബുക്ക് സി ഇ ഒ മാർക്ക് സുക്കർബർഗിന് വരെ ഇത്തരം പ്രശ്നങ്ങൾ നേരിടേണ്ടി വരുന്നുണ്ട്. വളരെ ആവേശകരമായ പ്രോജക്റ്റിൽ ജോലി ചെയ്യുന്ന അവസരങ്ങളിൽ ഭക്ഷണം കഴിക്കാൻ മറക്കാറുണ്ടെന്നും അത് മൂലം കഴിഞ്ഞ മാസം 10 പൗണ്ടിലധികം ഭാരം കുറഞ്ഞതായും കഴിഞ്ഞ വെള്ളിയാഴ്ച സുക്കർബർഗ് സാമൂഹ്യ മാധ്യമങ്ങളിലൂടെ പറഞ്ഞിരുന്നു. ഈ തുറന്നുപറച്ചിൽ ദശലക്ഷക്കണക്കിന് വരുന്ന അദ്ദേഹത്തിന്റെ ഫോളോവേഴ്‌സിന് അത്ഭുതമാണ്സമ്മാനിച്ചത്.