ഡെൽഹി മെട്രോയിൽ യാത്ര ആസ്വദിച്ച് കുട്ടിക്കുരങ്ങൻ; അമ്പരന്ന് യാത്രക്കാര്‍: വൈറൽ വീഡിയോ

ഡെല്‍ഹി: ഡെല്‍ഹി മെട്രോയില്‍ യാത്ര ആസ്വദിക്കുന്ന ഒരു കുട്ടിക്കുരങ്ങനെ കുറിച്ചാണ് ഇപ്പോൾ സമൂഹ മാധ്യമങ്ങളിലെ ചൂടേറിയ ചർച്ച. ‌ഇതിനകം തന്നെ വൈറലായി മാറിയ വീഡിയോ ലക്ഷക്കണക്കിനാളുകളാണ് കണ്ടത്. മെട്രോയിൽ കയറിപ്പറ്റിയ  കുരങ്ങൻ കുറച്ചു നേരം നിശബ്ദനായി ഇരിക്കുന്നതും തുടർന്ന് അടുത്തിരിക്കുന്ന യാത്രക്കാരന്റെ തുടയിൽ കൈകാലുകൾവച്ച് അമ്പരന്നു ചുറ്റും നോക്കുന്നതും വീഡിയോയിൽ കാണാം. പിന്നീട്, ട്രെയിൻ വേഗത കൂട്ടുന്നതിനനുസരിച്ച് അത് കൗതുകത്തോടെ പുറത്തേക്ക് നോക്കാൻ തുടങ്ങുന്നു. സീറ്റിലിരിക്കുന്നതിന് മുമ്പ് ട്രെയിനിന്റെ കോച്ചുകളിലെ കമ്പികളില്‍ തൂങ്ങിയാടുകയും ഓടിക്കളിക്കുകയും ചെയ്യുന്ന കുരങ്ങൻ യാത്രക്കാർക്ക് അത്ഭുതമായി മാറുകയും ചെയ്തിരുന്നു.