കാസർഗോഡ് നബിദിന റാലിക്കിടെ ക്ഷേത്രത്തിനുനേരേ വൊളന്റിയർമാരുടെ സല്യൂട്ട് ; വീഡിയോ ഒറ്റദിവസം കണ്ടത്‌ 20 ലക്ഷം പേർ

ശനിയാഴ്ച രാവിലെ 11.30-ഓടെയാണ് സംഭവം. പാലക്കുന്ന് ആറാട്ടുകടവ് സ്വദേശിയായ അൻഷിത്ത് അശോകാണ് ഈ ദൃശ്യങ്ങൾ മൊബൈലിൽ പകർത്തിയത്. അച്ഛൻ അശോകിന്റെ ഫാൻസി കടയിലിരിക്കുമ്പോഴാണ് നബിദിനറാലി കടന്നുപോയത്. മദ്രസാ വൊളന്റിയർമാർ ക്ഷേത്രത്തിനുനേരേ സല്യൂട്ട് ചെയ്യുന്നത് കണ്ടപ്പോൾ കൗതുകം തോന്നിയ അൻഷിത്ത് വീഡിയോ ചിത്രീകരിക്കുകയും വൈകീട്ട് അഞ്ചോടെ ഇൻസ്റ്റഗ്രാമിൽ പോസ്റ്റ് ചെയ്യുകയും ചെയ്തു. ഞായറാഴ്ച രാത്രി എട്ട് മുപ്പതോടെ വീഡിയോ കണ്ടവരുടെ എണ്ണം 20 ലക്ഷം കടന്നു.

ഈ വീഡിയോ ഫേസ്ബുക്കിലും വാട്സാപ്പിലും വ്യാപകമായി പ്രചരിക്കുന്നുണ്ട്. മതസൗഹാർദ്ദത്തിന്റെ സന്ദേശം ഉയർത്തിക്കാട്ടുന്ന ഈ ദൃശ്യങ്ങൾക്ക് സാമൂഹ്യമാധ്യമങ്ങളിൽ വലിയ സ്വീകാര്യതയാണ് ലഭിക്കുന്നത്.