Wrestlers Protest|'അവരുടെ ജീവിതം കൊണ്ട് കുറേ ലാഭമുണ്ടാക്കിയതല്ലേ'; ബോളിവുഡ് താരങ്ങളുടെ മൗനത്തെ ചോദ്യം ചെയ്ത് സോഷ്യൽമീഡിയ

Published by:Naseeba TC
news18-malayalam

Last Updated:May 30, 2023 9:16 PM IST

താരങ്ങളുടെ ജീവിതകഥ പറഞ്ഞ് കോടികൾ ലാഭം നേടിയ നടീനടന്മാർ യഥാർത്ഥ പ്രശ്നങ്ങളിൽ ഇടപെടാതെ മാറി നിൽക്കുന്നതിനെ ചോദ്യം ചെയ്ത് സോഷ്യൽമീഡിയ

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഗുസ്തിതാരങ്ങളുടെ സമരത്തിൽ മൗനം പാലിക്കുന്ന ബോളിവുഡ് താരങ്ങളെ ചോദ്യം ചെയ്ത് സോഷ്യൽമീഡിയ. രാജ്യത്തിന്റെ അഭിമാനമായ താരങ്ങളുടെ ജീവിതകഥ പറഞ്ഞ് കോടികൾ ലാഭം നേടിയ നടീനടന്മാർ യഥാർത്ഥ പ്രശ്നങ്ങളിൽ ഇടപെടാതെ മാറി നിൽക്കുന്നതിനെയാണ് നെറ്റിസൺസ് ചോദ്യം ചെയ്യുന്നത്.

ഗുസ്തിതാരങ്ങളുടെ ജീവിത കഥ സിനിമയാക്കി ലാഭമുണ്ടാക്കിയവർക്ക് അവരുടെ യഥാർത്ഥ ജീവിതത്തെ കുറിച്ച് യാതൊരു വികാരവുമില്ലെന്നും ട്വിറ്ററിൽ നിരവധി പേർ പറയുന്നു. കായിക താരങ്ങളുടെ ജീവിത കഥ അവതരിപ്പിച്ച ബോളിവുഡ് താരങ്ങളായ ആമിർ ഖാൻ, പ്രിയങ്ക ചോപ്ര, പരിനീതി ചോപ്ര തുടങ്ങിയ താരങ്ങൾക്കെതിരെയാണ് രൂക്ഷവിമർശനം. ഒപ്പം ബോളിവുഡ് ഒന്നടങ്കം പാലിക്കുന്ന മൗനത്തേയും വിചാരണ ചെയ്യുന്നു.

Dear Aamir Khan @AKPPL_Official, you profited off their story with Dangal, isn’t it time to stand up and help the same wrestlers? @SakshiMalik #WrestlerProtest pic.twitter.com/u2kWvaq3pU

— Yash Bhanage (@yashwecan) May 28, 2023

ആമിർ ഖാൻ നായകനായ ദംഗൽ എന്ന സിനിമയിലെ കേന്ദ്ര കഥാപാത്രങ്ങളായ ഗീത ഫൊഗട്ടിന്റേയും ബബിത ഫൊഗട്ടിന്റേയും ബന്ധുവാണ് ഡൽഹിയിൽ സമരങ്ങൾക്ക് നേതൃത്വം നൽകുന്ന വിനേഷ് ഫൊഗട്ട്.

These Bollywood celebs will otherwise leave no opportunity to pick up middle class topics to make blockbuster movies or the biopics of our wrestlers or other heroes. Where are these spineless people now? Why is no support coming for the real ground level Dangal?#WrestlersProtest

— Aman Banwait (@AmanBanwait20) May 29, 2023

ലോക ഗുസ്തി ചാമ്പ്യൻഷിപ്പിൽ ഒന്നിലധികം മെഡലുകൾ നേടിയ ഏക ഇന്ത്യൻ വനിതാ ഗുസ്തി താരം കൂടിയാണ് ഗീത. ഫൊഗട്ട് കുടുംബത്തെ കുറിച്ച് സിനിമയെടുത്ത ആമിർ ഖാൻ എന്തുകൊണ്ട് മിണ്ടുന്നില്ലെന്ന് ട്വിറ്ററിൽ ചോദ്യങ്ങൾ ഉയരുന്നു.

Aamir Khan, Priyanka Chopra, Parineeti Chopra.. all have run to play roles in movies based on stories of Indian sporting stars. Where are they now? Priyanka had also spoken out for Black Lives Matter. #Bollywood #WrestlersProtest #IStandWithMyChampions

— jyotsna mohan (@jyotsnamohan) April 28, 2023

മേരി കോമിന്റെ ജീവിത കഥയിൽ നായികയായ പ്രിയങ്ക ചോപ്രയ്ക്കെതിരേയും വിമർശനങ്ങൾ ഉയരുന്നുണ്ട്. അന്താരാഷ്ട്ര വിഷയങ്ങളിലടക്കം പ്രതികരിക്കുന്ന പ്രിയങ്ക എന്തുകൊണ്ട് സ്വന്തം രാജ്യത്ത് നടക്കുന്ന സംഭവങ്ങൾക്കു നേരെ കണ്ണടക്കുന്നുവെന്നാണ് ചോദ്യം.