വാട്‌സ്ആപ്പ് ഗ്രൂപ്പില്‍ നിന്ന് പുറത്താക്കിയ അഡ്മിനെ യുവാവ് വെടിവെച്ച് കൊന്നു

വാട്‌സ്ആപ്പ് ഗ്രൂപ്പില്‍ നിന്ന് പുറത്താക്കിയതില്‍ പ്രകോപിതനായ യുവാവ് ഗ്രൂപ്പ് അഡ്മിനെ വെടിവെച്ച് കൊന്നതായി റിപ്പോര്‍ട്ട്. പാകിസ്ഥാനിലെ പെഷവാറിലാണ് സംഭവം. വാട്‌സ്ആപ്പ് ഗ്രൂപ്പ് അഡ്മിനായ മുഷ്താഖ് അഹമ്മദ് ആണ് കൊല്ലപ്പെട്ടത്. അഷ്ഫാഖ് ഖാന്‍ ആണ് മുഷ്താഖിനെ കൊലപ്പെടുത്തിയത്. ചില അഭിപ്രായവ്യത്യാസങ്ങളെത്തുടര്‍ന്ന് മുഷ്താഖ് വാട്‌സ്ആപ്പ് ഗ്രൂപ്പില്‍ നിന്ന് അഷ്ഫാഖിനെ ഒഴിവാക്കിയിരുന്നു. ഇതാണ് മുഷ്താഖിന്റെ കൊലപാതകത്തിലേക്ക് നയിച്ചത്.