റെയിൽവേ സ്റ്റേഷനിലെ ടിവിയിൽ അശ്ലീല വീഡിയോ; ആദ്യ സംഭവമല്ല; സമാനമായ അഞ്ച് സംഭവങ്ങൾ

മുംബൈയിലെ വൊർളിയിൽ എൽഇഡി ഡിസ്പ്ലേ ബോർഡിൽ ആശ്ചര്യകരമായ സന്ദേശങ്ങൾ പ്രത്യക്ഷപ്പെട്ടത് കഴിഞ്ഞ വർഷം ഡിസംബറിലാണ്. ‘ദിവസവും കഞ്ചാവ് വലിക്കുക’ എന്നായിരുന്നു സന്ദേശം. ഇത് സാങ്കേതിക തകരാർ കാരണമെന്നായിരുന്നു വിശദീകരണം. ബൈക്കർമാരും ഡ്രൈവർമാരും പെട്ടെന്ന് ഈ സന്ദേശം ശ്രദ്ധിക്കുകയും ഇതിന്റെ ചിത്രങ്ങൾ പകർത്തി സോഷ്യൽ മീഡിയയിൽ പ്രചരിപ്പിക്കുകയും ചെയ്തതായി ഇന്ത്യ ടുഡെ റിപ്പോർട്ട് ചെയ്യുന്നു.

കുറച്ചുനാൾ മുൻപാണ് നവി മുംബൈയിലെ എൽഇഡി സ്പീഡ് ലിമിറ്റ് കാണിക്കുന്ന ഡിസ്പ്ലേ ബോർഡ് ചില സാമൂഹ്യ വിരുദ്ധർ ഹാക്ക് ചെയ്തത്. പാംബീച്ചിലെ നവി മുംബൈ മുനിസിപ്പൽ കോർപറേഷൻ സ്ഥാപിച്ചിരുന്ന ഡിസ്പ്ലേ ബോർഡിലാണ് ഹിന്ദി ഭാഷയിൽ അശ്ലീല വാക്കുകള്‍ പ്രത്യക്ഷപ്പെട്ടത്. യാത്രക്കാരിൽ ചിലർ അപ്പോൾ തന്നെ ഇത് മൊബൈലിൽ പകര്‍ത്തി. പിന്നീട് ഇത് സോഷ്യൽ മീഡിയയിൽ വൈറലായി.

2022 മെയ് മാസത്തിൽ ബ്രസീലിലെ സാന്റോസ് ഡുമോണ്ട് എയർപോർട്ടിലാണ് സംഭവം. വിമാനങ്ങളുടെ സമയം പ്രദർശിപ്പിക്കുന്ന സ്ക്രീനിൽ അശ്ലീല ഗ്രാഫിക് വീഡിയോ പ്ലേ ചെയ്യുകയായിരുന്നു. ‌ഇതു കണ്ട് യാത്രക്കാർ ചിരിക്കുന്നതും കുട്ടികളിൽ നിന്ന് ഡിസ്പ്ലേ മറച്ചുപിടിക്കുന്നതുമായ ദൃശ്യങ്ങൾ സോഷ്യൽ മീഡിയയിൽ പ്രചരിച്ചിരുന്നു. “ഞങ്ങളുടെ മീഡിയ സ്ക്രീനുകളിൽ കാണിക്കുന്ന ഉള്ളടക്കങ്ങളുടെ ഉത്തരവാദിത്തം ഇതിന്റെ ചുമതല വഹിക്കുന്ന ഏജൻസിക്കാണ്”- എയർപോർട്ട് അതോറിറ്റിയായ ഇൻഫ്രാറോ വ്യക്തമാക്കി.

യുണൈറ്റഡ് സ്റ്റേറ്റ്സ് ഫെഡറൽ റിസർവ് ഗവർണർ ക്രിസ്റ്റഫർ കഴിഞ്ഞ വർഷം മെയ് മാസത്തിൽ ഒരു സൂം മീറ്റിംഗ് നടത്തുകയായിരുന്നു, വെർച്വൽ സെഷനിൽ അശ്ലീല ചിത്രങ്ങൾ പ്രദർശിപ്പിച്ച പങ്കാളികളിലൊരാൾ തന്റെ സിസ്റ്റം ആരോ ഹാക്ക് ചെയ്തതാണെന്ന് പിന്നീട് വിശദീകരിച്ചു.

പോണ്‍സൈറ്റായ വണ്‍ലി ഫാൻസിലെ താരം അലാന ഇവാൻസിന് വിമാനയാത്രക്കിടെയാണ് അബദ്ധം പിണഞ്ഞത്. ലാസ് വേഗാസിലേക്കുള്ള യാത്രക്കിടെ അബദ്ധത്തിൽ പോൺ വീഡിയോ പ്ലേ ചെയ്യുകയായിരുന്നു. തൊട്ടടുത്തുണ്ടായിരുന്ന യാത്രക്കാർ ഇതു കണ്ട് ഞെട്ടി, ട്വിറ്ററിൽ താരം തന്നെയാണ് ഇക്കാര്യം അറിയിച്ചത്. സംഭവത്തിൽ താരം ഖേദംപ്രകടിപ്പിക്കുകയും ചെയ്തു.