Viral | അഞ്ചാം തവണയും വിവാഹിതനായി 56കാരൻ; മക്കളും പേരക്കുട്ടികളുമടക്കം കുടുംബത്തിൽ ആകെ 62 അംഗങ്ങൾ

ജീവിതത്തിൽ എല്ലാവർക്കും യഥാർത്ഥ സ്നേഹം കണ്ടെത്തുക എന്നത് കുറച്ച് ബുദ്ധിമുട്ടേറിയ കാര്യമാണ്. അതുകൊണ്ട് തന്നെ ഇത്തരത്തിൽ പല സാഹചര്യങ്ങൾ കൊണ്ട് വീണ്ടും വിവാഹിതരാകുന്നവർ നിരവധി പേരുണ്ട്. 11 മക്കളുള്ള 56-കാരൻ അഞ്ചാമതും വിവാഹിതനായ വാർത്ത ആണ് സാമൂഹ്യ മാധ്യമങ്ങളിൽ അടുത്തിടെ ശ്രദ്ധ നേടിയത്. ഷൗക്കത്ത് എന്ന ആളാണ് അഞ്ചാമതും വിവാഹം കഴിച്ചത്. എന്നാൽ ഈ വിവാഹത്തിൽ ഏവരെയും അത്ഭുതപ്പെടുത്തുന്നത് മറ്റൊരു കാര്യമാണ്. മുൻ വിവാഹങ്ങളിൽ ഇയാൾക്ക് പത്ത് പെൺമക്കളും ഒരു മകനും 40 പേരക്കുട്ടികളും 11 മരുമക്കളുമുണ്ട്. ഇതിനിടെയാണ് ഷൗക്കത്ത് കഴിഞ്ഞ വർഷം അഞ്ചാമത്തെ വിവാഹം കഴിച്ചത്. ഇയാളുടെ കുടുംബത്തിൽ ആകെ 62 അംഗങ്ങളാനുള്ളത്. പാകിസ്ഥാനിലെ ഇസ്ലാമാബാദാണ് ഷൗക്കത്തിന്റെ സ്വദേശം.