S S Rajamouli | 'സംവിധാനം മാത്രമല്ല, ഡാൻസും ഇവിടെ സെയ്ഫാണ്'; എസ് എസ് രാജമൗലിയുടെ ‍ഡാൻസ് വൈറലാകുന്നു

Published by:Sneha Reghu
news18-malayalam

Last Updated:Dec 15, 2024 12:20 PM IST

മഹേഷ്ബാബു നായകനായെത്തുന്ന എസ്എസ്എംബി 29-ആണ് രാജമൗലിയുടെ പുതിയ ചിത്രം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഇന്ത്യൻ സിനിമാ ലോകത്ത് ഏറ്റവും അധികം ശ്രദ്ധിക്കപ്പെട്ട സംവിധായകനാണ് എസ് എസ് രാജമൗലി (S S Rajamouli ). ബ്രഹ്മാണ്ഡ സിനിമകൾ തീർക്കുന്ന എസ്എസ് രാജമൗലിയുടെ ഒരു വീഡിയോയാണ് ഇപ്പോൾ സോഷ്യൽമീഡിയയിൽ വൈറലാകുന്നത്. ഒരു വിവാഹ വേദിയിൽ ഭാര്യയ്ക്കൊപ്പം ആസ്വദിച്ച് നൃത്തം ചെയ്യുന്ന രാജമൗലിയെയാണ് വീഡിയോയിൽ കാണാൻ കഴിയുന്നത്.

രാജമൗലിയുടെ അനന്തരവൻ സിംഹയുടെ വിവാഹത്തിന് മുമ്പുള്ള ആഘോഷത്തിലാണ് രാജമൗലി ഭാര്യയ്ക്കൊപ്പം ചടുലമായ നൃത്തം ചെയ്യുന്നത്. ഇതിന്റെ വീഡിയോ നിമിഷനേരങ്ങൾക്കുള്ളിലാണ് സോഷ്യൽമീഡിയയിൽ നിറഞ്ഞത്. ഇതിന് പിന്നാലെ നിരവധി ആരാധകരാണ് രാജമൗലിയുടെ നൃത്തത്തെ പ്രശംസിച്ചത്.

SS Rajamouli🕺 pic.twitter.com/nA0oMfSSnm

— Manobala Vijayabalan (@ManobalaV) December 14, 2024

എന്ത് രസമായിട്ടാണ് രാജമൗലി നൃത്തം ചെയ്യുന്നതെന്നാണ് കൂടുതൽ പേരും കമന്റ് ചെയ്തിരിക്കുന്നത്. കഥകളെഴുതാനും സംവിധാനം ചെയ്യാനും കഴിയുന്ന രാജമൗലിക്ക് ഇത്തരത്തിലൊരു ഹിഡെൻ ടാലന്റ് ഉണ്ടായിരുന്നോ?, നന്നായിട്ട് നൃത്തം ചെയ്യുന്നു... എന്നിങ്ങനെയുള്ള കമന്റുകളാണ് വീഡിയോയിൽ നിറയുന്നത്.

മഹേഷ്ബാബു നായകനായെത്തുന്ന എസ്എസ്എംബി 29-ആണ് രാജമൗലിയുടെ പുതിയ ചിത്രം. ആഫ്രിക്കൻ കാടുകളിലാണ് സിനിമയുടെ ചിത്രീകരണമെന്നും 1000 കോടി ബജറ്റിലാണ് ചിത്രം ഒരുങ്ങുന്നതെന്നുമുള്ള റിപ്പോള്ളുകൾ നേരത്തെ പുറത്ത് വന്നിരുന്നു.