ഉത്സവ സീണസില്‍ ജോലിയില്‍ നിന്ന് പിരിച്ചുവിടല്‍; ഏറ്റവും കഠിനമായ സമയമെന്ന് ടെക് പ്രൊഫഷണലായ യുവതി

ഇക്കഴിഞ്ഞ ദിവസമാണ് ടെക് ഭീമനായ ആമസോണ്‍ തങ്ങളുടെ 14,000 ജീവനക്കാരെ പിരിച്ചുവിടുന്നതായി വാര്‍ത്ത വന്നത്. ഇതിന് ഏതാനും ആഴ്ചകള്‍ക്ക് മുമ്പ് മറ്റു ചില ബഹുരാഷ്ട്ര കമ്പനികളും തങ്ങളുടെ ജീവനക്കാരില്‍ നിശ്ചിത ശതമാനം പേരെ പിരിച്ചുവിടുകയാണെന്ന് വ്യക്തമാക്കുന്ന റിപ്പോർട്ടുകൾ പുറത്തുവന്നിരുന്നു. ജോലി നഷ്ടപ്പെടുന്നത് ഒരിക്കലും ഒരാള്‍ക്ക് ഉള്‍ക്കൊള്ളാന്‍ കഴിഞ്ഞെന്ന് വരില്ല. എന്നാല്‍, ഉത്സവ സീസണില്‍ അങ്ങനെ സംഭവിക്കുന്നത് അല്‍പം ആഴമേറിയ മുറിവാണ് മനസ്സിലും ഹൃദയത്തിലുമുണ്ടാക്കുക. ഈ സമയം മിക്ക ആളുകള്‍ സന്തോഷത്തിനും ആഘോഷത്തിനും വേണ്ടി കാത്തിരിക്കുന്നതാകയാൽ ജോലി നഷ്ടപ്പെടുന്നവർ പ്രയാസത്തിലാകും.