എവിടെത്തിരിഞ്ഞൊന്നു നോക്കിയാലും അവിടൊക്കെ അഗ്നിപര്‍വതവും മനോഹരമായ വെള്ളച്ചാട്ടവും; ആ ഗ്രാമത്തിലേക്കൊന്നു പോയാലോ ?

എല്ലാ തിരക്കുകളില്‍ നിന്നും മാറി മനസ്സ് ശാന്തമാക്കാന്‍ യാത്രകള്‍ തിരഞ്ഞെടുക്കുന്നവരുടെ എണ്ണം വര്‍ധിച്ചു വരികയാണ്. ഒറ്റയ്ക്കും സൂഹൃത്തുക്കള്‍ക്കും ബന്ധുക്കൾക്കുമൊപ്പം യാത്ര ചെയ്യുന്നവര്‍ ഉണ്ട്. കാലാകാലങ്ങളായി വിനോദസഞ്ചാരികള്‍ എത്തിച്ചേരുന്ന ഇടങ്ങള്‍ക്ക് പുറമെ, അധികമാർക്കും അറിയാത്ത മനോഹരമായ സ്ഥലങ്ങളും ലോകത്തുണ്ട്. അത്തരമൊരു ഗ്രാമപ്രദേശത്തേക്ക് ഒരു യാത്ര പോയാല്ലോ. സ്‌പെയിനിലെ ഒരു ഉള്‍നാടന്‍ ഗ്രാമമാണ് ഇത്. ലോകമെമ്പാടുമുള്ള യാത്രാപ്രേമികളുടെ ഇഷ്ട കേന്ദ്രം കൂടിയാണ് സ്‌പെയിന്‍. മാഡ്രിഡ്, ബാര്‍സലോണ, ടെനെറിഫെ, ലാന്‍സറോട്ട് തുടങ്ങിയ സ്ഥലങ്ങളിലേക്ക് വര്‍ഷം തോറും ലക്ഷക്കണക്കിന് സന്ദര്‍ശകരാണ് എത്തുന്നത്. എന്നാല്‍, കാറ്റലോണിയയിലെ കാസ്റ്റല്‍ഫോളിക് ഡി ലാറോക്ക എന്ന മലയോര ഗ്രാമപ്രദേശം പ്രകൃതിയുടെ മനോഹരമായ ദൃശ്യവിരുന്നൊരുക്കി യാത്രക്കാരെ കാത്തിരിക്കുകയാണ്.