Viral Video പ്രൗഢഗംഭീരമായ ചടങ്ങിൽ മുയൽ ദമ്പതികളുടെ വിവാഹം; വീഡിയോ വൈറൽ

ഒരു മുയലിന്റെ വിവാഹച്ചടങ്ങ് നിങ്ങളാരെങ്കിലും ഇതുവരെ കണ്ടിട്ടുണ്ടോ? കേട്ടിട്ടെങ്കിലുമുണ്ടോ? ഇല്ലെങ്കിൽ അങ്ങനെയൊരു സംഭവം ഉണ്ടായിരിക്കുകയാണ്. രസകരമായ ഒരു വിവാഹച്ചടങ്ങിന് ശേഷം മുയൽ ദമ്പതികൾ ഔദ്യോഗികമായി ഭർത്താവും ഭാര്യയും ആയി മാറുന്നതിന്റെ വീഡിയോ സമൂഹമാധ്യമങ്ങളിൽ തരംഗം സൃഷ്ടിച്ചുകൊണ്ടിരിക്കുകയാണ്. ഈ വിവാഹച്ചടങ്ങിന്റെ ഒരു ചെറിയ വീഡിയോ ക്ലിപ്പ്യൂട്യൂബ് അതിന്റെ ട്വിറ്റർ ടൈം ലൈനിൽ പങ്കുവെച്ചിട്ടുണ്ട്. മുഴുവൻ വീഡിയോയുടെ ലിങ്കും അതിനോടൊപ്പം നൽകിയിരുന്നു. വീഡിയോ നിങ്ങളുടെ മുഖത്ത് ഒരു പുഞ്ചിരി വിടർത്തുമെന്ന കാര്യത്തിൽ യാതൊരു സംശയവുമില്ല. വിവാഹച്ചടങ്ങിനായി ഒരുങ്ങുന്ന റോബർട്ട്, ആമിഎന്നീ മുയലുകളെയാണ് വീഡിയോയിൽ നിങ്ങൾക്ക് കാണാൻ കഴിയുക. വിവാഹത്തിൽ പങ്കെടുക്കാൻ അതിഥികളും എത്തുന്നുണ്ട്. പുരോഹിതർ ചടങ്ങുകളൊക്കെ നടത്തിയതിന് ശേഷം വിവാഹം പൂർത്തിയായതായി പ്രഖ്യാപിക്കുകയുംചെയ്യുന്നു.