പശ്ചിമേഷ്യയിൽ സമാധാനം പുനഃസ്ഥാപിക്കും, ഇറാൻ പ്രസിഡന്റുമായി സംസാരിച്ച് പ്രധാനമന്ത്രി നരേന്ദ്രമോദി
- Published by:SIBILI S
- news18-malayalam
Last Updated:
ഇറാന്റെ അടിസ്ഥാനസൗകര്യങ്ങൾക്കെതിരെ തുടർച്ചയായുള്ള ആക്രമണങ്ങളെ അപലപിച്ച പ്രധാനമന്ത്രി, പശ്ചിമേഷ്യയിൽ സമാധാനവും സുരക്ഷയും ഉറപ്പാക്കുമെന്ന് എക്സിൽ കുറിച്ചു
ന്യൂഡൽഹി: പശ്ചിമേഷ്യയിൽ തുടരുന്ന സംഘർഷത്തിനിടെ ഇറാൻ പ്രസിഡന്റ് മസൂദ് പെഷേഷകെയിനുമായി സംസാരിച്ച് പ്രധാനമന്ത്രി നരേന്ദ്രമോദി. ഇറാന്റെ അടിസ്ഥാനസൗകര്യങ്ങൾക്കെതിരെ തുടർച്ചയായുള്ള ആക്രമണങ്ങളെ അപലപിച്ച പ്രധാനമന്ത്രി, പശ്ചിമേഷ്യയിൽ സമാധാനവും സുരക്ഷയും ഉറപ്പാക്കുമെന്ന് എക്സിൽ കുറിച്ചു.
ലോകത്തിലെ സുപ്രധാന സമുദ്ര ഗതാഗതമായ ഹോർമുസ് കടലിടുക്കിലെ നിലവിലെ സാഹചര്യത്തെ കുറിച്ചും ആഗോള തലത്തിലുള്ള ഊർജ പ്രതിസന്ധിയെ കുറിച്ചും ഇരുവരും ചർച്ച നടത്തി. ഹോർമുസ് കടലിടുക്കിലൂടെ സഞ്ചരിക്കുന്ന കപ്പൽ പാതകളുടെ സുരക്ഷയും ഉറപ്പാക്കണമെന്ന് പ്രധാനമന്ത്രി ആവശ്യപ്പെട്ടു.
പ്രതികൂല സാഹചര്യത്തിലും ഇന്ത്യൻ പൗരന്മാർക്ക് സുരക്ഷയൊരുക്കുന്നതിൽ ഇറാനിയൻ ഭരണകൂടത്തെ പ്രധാനമന്ത്രി അഭിനന്ദിച്ചു. സംഘർഷത്തിൽ സാധാരണക്കാരുടെ ജീവൻ പൊലിയുന്നതിൽ പ്രധാനമന്ത്രി അഗാധമായ ആശങ്കയറിയിക്കുകയും ചെയ്തു.
ഫെബ്രുവരി 28-ന് ഇറാനിൽ യുഎസ്-ഇസ്രായേൽ ആക്രമണങ്ങൾക്ക് ശേഷം പ്രധാനമന്ത്രിയും ഇറാൻ പ്രസിഡന്റുമായി നടത്തുന്ന രണ്ടാമത്തെ ഫോൺ സംഭാഷണമാണിത്.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,Delhi
First Published :
Mar 21, 2026 6:42 PM IST
മലയാളം വാർത്തകൾ/ വാർത്ത/India/
പശ്ചിമേഷ്യയിൽ സമാധാനം പുനഃസ്ഥാപിക്കും, ഇറാൻ പ്രസിഡന്റുമായി സംസാരിച്ച് പ്രധാനമന്ത്രി നരേന്ദ്രമോദി
