'ചില വിഷങ്ങളെ അതിജീവിച്ച് ചാവേർ കാലത്തെ പൊരുതി തോൽപിക്കും'; പ്രശംസയുമായി രാഹുൽ മാങ്കൂട്ടത്തിൽ

ടിനു പാപ്പച്ചനും കുഞ്ചാക്കോ ബോബനും ആദ്യമായി ഒന്നിക്കുന്ന ‘ചാവേറി’നെ പ്രശംസിച്ച് യൂത്ത് കോൺഗ്രസ് നേതാവ് രാഹുൽ മാങ്കൂട്ടത്തിൽ. ഒരു ചവർ പടം’ എന്ന റിവ്യു മനസ്സിൽ വെച്ച് തന്നെയാണ് തിയറ്ററിൽ എത്തിയതെന്നും എന്നാല്‍ മനോഹരമായ സിനിമയാണ് ചാവേറെന്നും രാഹുൽ മാങ്കൂട്ടത്തിൽ പറയുന്നു. ചാവേര്‍ ഒരു രാഷ്ട്രീയ സിനിമയല്ല, എങ്കിലും ശക്തമായ രാഷ്ട്രീയം സംവദിക്കുന്നുണ്ട്. നല്ല സിനിമയാണെങ്കില്‍ റിവ്യു ചെയ്ത് ഡീഗ്രേഡ് ചെയ്യാന്‍ പറ്റില്ലായെന്ന് ചിന്തിക്കുന്നവര്‍ക്കുള്ള ഓര്‍മ്മപ്പെടുത്തലാണ് സിനിമയെന്നാണ് രാഹുല്‍ പറഞ്ഞിരിക്കുന്നത്. ചില മനുഷ്യരുടെ വിഷത്തെ അതിജീവിച്ച് ചാവേർ കാലത്തെ പൊരുതി തോൽപ്പിക്കുമെന്നും രാഹുല്‍ പറഞ്ഞു.