ഏത് നേരത്താണോ എന്തോ! 1.75 ലക്ഷം മുടക്കി വാങ്ങിയ ഒല സ്‌കൂട്ടറിനെക്കുറിച്ച് പരാതിയുമായി യൂട്യൂബർ

1.75 ലക്ഷം രൂപ മുടക്കി വാങ്ങിയ ഒല സ്‌കൂട്ടറിനെതിരെ പരാതിയുമായി പ്രമുഖ യൂട്യൂബറായ റിഷഭ് ജയിൻ. ലേബർ ലോ അഡ്വൈസർ എന്ന യൂട്യൂബ് ചാനൽ ഉടമയായ ജയിൻ ആറ് മാസങ്ങൾക്ക് മുൻപാണ് ഒല എസ്1 പ്രോ വാങ്ങിയത്. ആയിരം കിലോമീറ്ററിൽ താഴെ മാത്രമാണ് വാഹനം ഇതുവരെ ഓടിയതെന്നും അതിനുള്ളിൽ തന്നെ ഉണ്ടായേക്കാവുന്ന എല്ലാ കുഴപ്പങ്ങളും വണ്ടിക്ക് ഉണ്ടായി എന്നും ജയിൻ പറയുന്നു. പലപ്പോഴും സ്‌കൂട്ടർ റീസെറ്റ് ചെയ്യേണ്ടി വരുന്നുവെന്നും അതിന് തന്നെ 5 -6 മിനുട്ട് വരെ സമയമെടുക്കുമെന്നും ജയിൻ പറഞ്ഞു. തന്റെ എക്സ് അക്കൗണ്ടിൽ ജയിൻ നടത്തിയ ആരോപണങ്ങൾ നിമിഷങ്ങൾ കൊണ്ട് വൈറലായിരുന്നു.