ന്യൂനപക്ഷ വിഭാഗക്കാരായ പോളിടെക്‌നിക്കു വിദ്യാർത്ഥികൾക്ക് എ.പി.ജെ അബ്ദുൾകലാം സ്കോളർഷിപ്പ്

6000/- രൂപയാണ് സ്‌കോളർഷിപ്പ് തുകയായി അനുവദിക്കുന്നത്. സംസ്ഥാനത്തെ സ്ഥിര താമസക്കാരും കേന്ദ്ര സർക്കാർ മത ന്യൂനപക്ഷങ്ങളായി അംഗീകരിച്ച സമുദായങ്ങളിൽ പെടുന്ന ക്രിസ്ത്യൻ, മുസ്ലീം, സിഖ്, ബുദ്ധ, പാഴ്‌സി, ജൈന എന്നീ വിഭാഗങ്ങളിൽപ്പെട്ടതുമായ വിദ്യാർഥികൾക്കാണ് സ്‌കോളർഷിപ്പിന് അർഹത. ഓൺലൈൻ അപേക്ഷ സ്വീകരിക്കുന്ന അവസാന തീയതി, ഒക്ടോബർ 25 ആണ്.

കുടംബ വാർഷികവരുമാനത്തിന്റെയും മാർക്കിന്റെയും അടിസ്ഥാനത്തിലായിരിക്കും തെരഞ്ഞെടുപ്പ് .ആകെയുള്ളതിന്റെ 30% സ്‌കോളർഷിപ്പ്, പെൺകുട്ടികൾക്കായി സംവരണം ചെയ്തിട്ടുണ്ട്. പെൺകുട്ടികൾ ഇല്ലാത്തപക്ഷം, അർഹരായ ആൺകുട്ടികളെ പരിഗണിക്കുന്നതാണ്. ബി.പി.എൽ വിഭാഗത്തിൽപ്പെട്ട അപേക്ഷകർക്ക് മുൻഗണനയുണ്ട് .ബി.പി.എൽ വിഭാഗത്തിൽ നിന്നുള്ള അപേക്ഷകരുടെ അഭാവത്തിൽ ന്യൂനപക്ഷ മത വിഭാഗങ്ങളിൽപെടുന്ന കുടുംബവാർഷിക വരുമാനം 8 ലക്ഷം രൂപ അധികരിക്കാത്ത എ.പി.എൽ. വിഭാഗത്തെയും പരിഗണിക്കും. ഈ വർഷം ചേർന്നവർക്കും നിലവിൽ പഠിച്ചു

കൊണ്ടിരിക്കുന്നവർക്കും സ്‌കോളർഷിപ്പിനായി പരിഗണിക്കുന്നതാണ്.

വിവിധ വിഭാഗങ്ങളിൽ നിന്നുള്ള 1400 ഓളം ന്യൂനപക്ഷ വിദ്യാർഥികളെയാണ് , ജനസംഖ്യാനുപാതികമായി തെരഞ്ഞെടുക്കുന്നത്. അപേക്ഷകർക്ക് ഏതെങ്കിലും ദേശസാൽകൃത ബാങ്ക്/ഷെഡ്യൂൾഡ് ബാങ്കിൽ സ്വന്തം പേരിൽ അക്കൗണ്ട് ഉണ്ടായിരിക്കണം.ഒറ്റത്തവണ മാത്രമേ സ്‌കോളർഷിപ്പ് ലഭിക്കുകയുള്ളു.