നാഷണൽ ഇൻസ്‌റ്റിറ്റ്യൂട്ട് ഓഫ് ഫാഷൻ ടെക്നോളജിയിൽ പഠിക്കണോ? ഇപ്പോള്‍ അപേക്ഷിക്കാം

നാഷനൽ ഇൻസ്‌റ്റിറ്റ്യൂട്ട് ഓഫ് ഫാഷൻ ടെക്നോളജിയുടെ (എൻഐഎഫ്‌ടി) വിവിധ പ്രോഗ്രാമുകളിലേക്കുള്ള പ്രവേശനത്തിന് ഇപ്പോൾ ഓൺലൈനായി അപേക്ഷ സമർപ്പിക്കാം. ജനുവരി 3 വരെയാണ് അപേക്ഷ സമർപ്പിക്കാനവസരമുള്ളത്. പൊതുവിഭാഗത്തിന് 3,000/- രൂപയാണ് പരീക്ഷ ഫീസ്. പട്ടികജാതി/ ഭിന്നശേഷി വിഭാഗക്കാർക്ക് 1500/- രൂപ നൽകിയാൽ മതി. ബിഡിസ്, ബിഎഫ്ടെക് എന്നിവ രണ്ടിനും ചേർത്ത് അപക്ഷിക്കാൻ യഥാക്രമം 4500/-, 2250/- രൂപ അടയ്ക്കണം. ജനുവരി 3 നു ശേഷം 5000/- രൂപ ലേറ്റ് ഫീ കൂടിയടച്ച് ജനുവരി 8വരെയും അപേക്ഷിക്കാവുന്നതാണ്. പ്രവേശനപരീക്ഷയ്ക്ക് എറണാകുളം, കോഴിക്കോട്, കണ്ണൂർ, കോയമ്പത്തൂർ, ബെംഗളൂരു, ചെന്നൈ, മുംബൈ, ന്യൂഡൽഹി അടക്കം 60 കേന്ദ്രങ്ങളുണ്ട്.

1. ബാച്‌ലർ ഓഫ് ഡിസൈൻ (ബിഡിസ്): 4 വർഷമാണ് കാലാവധി. ഫാഷൻ / ലെതർ / അക്‌സസറി / ടെക്‌സ്‌റ്റൈൽ / നിറ്റ്‌വെയർ ഡിസൈൻ / ഫാഷൻ കമ്യൂണിക്കേഷൻ എന്നീ മേഖലകളിൽ സ്പെഷ്യലൈസേഷനുണ്ട്. പ്ലസ്ടുവാണ് അടിസ്ഥാനയോഗ്യത.

2. ബാച്‌ലർ ഓഫ് ഫാഷൻ ടെക്‌നോളജി (ബിഎഫ്ടെക്): 4 വർഷമാണ് കാലാവധി. മാത്‌സും ഫിസിക്സും അടങ്ങിയ പ്ലസ്‌ടു

യോഗതയുള്ളവർക്ക് അപേക്ഷിക്കാവുന്നതാണ്.

3. മാസ്‌റ്റർ ഓഫ് ഡിസൈൻ (എംഡിസ്): 2 വർഷമാണ് കാലാവധി. സർവകലാശാലാ ബിരുദമോ എൻഐഡിയിലെയോ എൻഐഎഫ്‌ടിയിലെയോ 3 വർഷത്തിൽ കുറയാത്ത ഡിപ്ലോമയോ ഉള്ളവർക്ക് അപേക്ഷിക്കാം. ഡിസൈന്റെ അടിസ്‌ഥാനപാഠങ്ങൾ അറിഞ്ഞിരിക്കണമെന്ന നിബന്ധനയുണ്ട്.

4. മാസ്‌റ്റർ ഓഫ് ഫാഷൻ മാനേജ്‌മെന്റ് (എംഎഫ്എം): 2 വർഷമാണ് കാലാവധി. സർവകലാശാലാ ബിരുദമോ എൻഐഡിയിലെയോ എൻഐഎഫ്‌ടിയിലെയോ 3 വർഷത്തിൽ കുറയാത്ത ഡിപ്ലോമയോ ഉള്ളവർക്ക് അപേക്ഷിക്കാം.

5. മാസ്‌റ്റർ ഓഫ് ഫാഷൻ ടെക്‌നോളജി (എംഎഫ്ടെക്): 2 വർഷമാണ് കാലാവധി. എൻഐഎഫ്ടിയിലെ ബിഎഫ്ടെക്‌, അഥവാ ഏതെങ്കിലും ബിടെക് ബിരുദമാണ് അടിസ്ഥാനയോഗ്യത.

പ്രോഗ്രാമുകളും ഉണ്ട്. ഓരോ കോഴ്സിനും 34 സീറ്റ് വീതമാണ് ഉള്ളത്.

അഡ്രസ്സ്: NIFT, Dharmasala, Mangattuparamba, Kannur – 670 562

ഫോൺ: 0497 2784780.

എംഡിസ് ന് GAT, CAT, ഇന്റർവ്യൂ എന്നിവയുടെ അടിസ്ഥാനത്തിലും

എംഎഫ്ടെക് / എംഎഫ്എം എന്നീ ബിരുദാനന്തര ബിരുദ

പ്രോഗ്രാമുകൾക്ക് GAT, ഇന്റർവ്യൂ എന്നിവയുടെ അടിസ്ഥാനത്തിലുമാണ് തെരഞ്ഞെടുപ്പ്. GAT കംപ്യൂട്ടർ അധിഷ്ഠിതമായും CAT എഴുത്തു പരീക്ഷയുമായാണ് , നടത്തുക. ഒബ്ജക്ടീവ് ടെസ്റ്റിൽ തെറ്റിനു മാർക്ക് കുറയ്ക്കും. സിറ്റുവേഷൻ ടെസ്റ്റിൽ തന്നിരിക്കുന്ന സാധനങ്ങൾകൊണ്ട് ഭാവനാപൂർണമായി മോഡലുണ്ടാക്കാൻ ആവശ്യപ്പെടും.

ഓൺലൈൻ അപേക്ഷ സമർപ്പണത്തിന്: https://www.nift.ac.in/admission

ഫോൺ: 011-40759000

തയാറാക്കിയത് : ഡോ ഡെയ്സൻ പാണേങ്ങാടൻ