സ്റ്റാർട്അപ്പ് തുടങ്ങാൻ ആ​ഗ്രഹമുണ്ടോ? ലോകത്തിലെ മികച്ച ഫെലോഷിപ്പ് പ്രോഗ്രാമുകൾ ഇതാ

കേന്ദ്രസർക്കാരിന്റെ വിദഗ്ദ്ധോപദേശക സമിതിയായ നീതി ആയോഗിന്റെ അടൽ ഇന്നൊവേഷൻ മിഷന്റെ കീഴിലുള്ള ഒരു പ്രോഗ്രാമാണ് ഈ ഫെലോഷിപ്പ്. ഇത് ഒരു വർഷത്തെ പ്രോ​ഗ്രാമാണ്. സംരംഭകത്വത്തിനു വേണ്ട കഴിവുകളെക്കുറിച്ചും മറ്റും ഇതിലൂടെ പരിശീലനം നൽകും. സംരംഭം തുടങ്ങാൻ വേണ്ട ഫണ്ടും അവസരങ്ങളും ഈ ഫെലോഷിപ്പ് പ്രോഗ്രാം വാ​ഗ്ദാനം ചെയ്യുന്നുണ്ട്. കമ്മ്യൂണിറ്റി ഡെലവപ്മെന്റുമായി ബന്ധപ്പെട്ട സ്റ്റാർട്ടപ്പിൽ പ്രവർത്തിക്കാൻ ആ​ഗ്രഹവും ഇതു സംബന്ധിച്ച് സ്വന്തമായി ആശയങ്ങളും ഉള്ള വ്യക്തികൾക്ക് ഈ ഫെല്ലോഷിപ്പ് പ്രോ​ഗ്രാമിലേക്ക് അപേക്ഷിക്കാം.

ഗ്രീസിൽ ഒരു ബിസിനസ് സ്ഥാപിക്കാൻ സംരംഭകരെ സഹായിക്കുന്നതിനുള്ള ഒരു ബിസിനസ് ഇൻകുബേഷൻ സ്കോളർഷിപ്പാണിത്. നെക്സ്റ്റ് ഫാബ് ഫൗണ്ടേഷനാണ് സ്കോളർഷിപ്പിന് ധനസഹായം നൽകുന്നത്. സംരംഭകത്വ കഴിവുകൾ, മെന്ററിംഗ്, കോ-വർക്കിംഗ്, ബിസിനസ് സപ്പോർട്ട് സേവനങ്ങൾ, നെറ്റ്‌വർക്കിംഗ്, ഫണ്ടിംഗ് അവസരങ്ങൾ എന്നിവയെല്ലാം സംബന്ധിച്ച് ഇതിൽ പരിശീലനം നൽകും. സംരംഭക ആശയങ്ങൾ ഉള്ളവർക്കും പുതിയതായി സ്റ്റാർട്ടപ്പുകൾ തുടങ്ങിയവർക്കും ഈ പ്രോ​ഗ്രാമിലേക്ക് അപേക്ഷിക്കാം. അപേക്ഷകർക്ക് ഇംഗ്ലീഷ് ഭാഷയിൽ പ്രാവീണ്യം ഉണ്ടായിരിക്കണം.

സ്വിറ്റ്സർലണ്ടിലെ സ്റ്റാർട്ട് ഫെലോഷിപ്പിൽ പങ്കെടുക്കുന്നവർക്ക് നിക്ഷേപകരുമായി ഓൺലൈനായും ഓഫ്‌ലൈനായും സെഷനുകൾ ഉണ്ടാകും. കൂടാതെ, സെന്റ് ഗാലൻ സർവകലാശാലയുടെ ക്ലാസുകളിൽ പങ്കെടുക്കാനും ഫണ്ടിംഗ് അവസരങ്ങൾ കണ്ടെക്കാനും ആശയങ്ങളെ സ്റ്റാർട്ടപ്പാക്കി മാറ്റാനും കഴിയും. അവസാന ഘട്ടത്തിലേക്ക് കടക്കുന്നവർക്ക് സ്വിറ്റ്സർലൻഡ് സന്ദർശിക്കാനും സ്റ്റാർട്ടപ്പ് വികസിപ്പിക്കാനുമായുള്ള നാല് മാസത്തെ സ്കോളർഷിപ്പ് ലഭിക്കും. യാത്ര, ജീവിതച്ചെലവ്, ഇൻഷുറൻസ് എന്നിവയുൾപ്പെടെ എല്ലാ ചെലവുകളും ഇതിൽ ഉൾപ്പെടും. 25 വയസിന് താഴെയുള്ള വിദ്യാർത്ഥികൾക്ക് ഈ പ്രോഗ്രാമിലേക്ക് അപേക്ഷിക്കാം.

സ്റ്റാർട്ട്-അപ്പ് തുടങ്ങാൻ ആ​ഗ്രഹിക്കുന്ന വിദ്യാർത്ഥികൾക്കോ അല്ലെങ്കിൽ ഒരു ബിസിനസ്സ് പ്ലാൻ ഉള്ള വിദ്യാർത്ഥികൾക്കോ മാർഗനിർദേശവും ഫണ്ടിങ്ങും നൽകുക എന്ന ഉദ്ദേശ്യത്തോടെയാണ് ഗ്രീൻപാൽ ബിസിനസ് സ്കോളർഷിപ്പ് ആരംഭിച്ചത്. ഈ സ്കോളർഷിപ്പ് എല്ലാ വർഷവും വിദ്യാർത്ഥികൾക്ക് ധനസഹായവും സംരംഭകരാകാനുള്ള പിന്തുണയും വാഗ്ദാനം ചെയ്യുന്നു. യുഎസ് ആസ്ഥാനമായുള്ള ഉന്നത വിദ്യാഭ്യാസ സ്ഥാപനങ്ങൾക്കായി ഈ ഫണ്ട് ഉപയോഗിക്കേണ്ടതുണ്ട്.

ഇത് ഒരു ഓൺലൈൻ മെന്റർഷിപ്പ് പ്രോഗ്രാമാണ്. 12 ആഴ്‌ച പരിശീലനമാണ് ഈ പ്രോ​ഗ്രാമിന്റെ ഭാ​ഗമായി ഉണ്ടാകുക. ഒരു സംരംഭം ആരംഭിക്കുന്നതിനെക്കുറിച്ചും വികസിപ്പിക്കുന്നതിനെക്കുറിച്ചും സ്കെയിൽ ചെയ്യുന്നതിനെക്കുറിച്ചും ഇതിൽ പഠിപ്പിക്കും. സ്റ്റാർട്ടപ്പിന് അനുയോജ്യമായ മെന്റർഷിപ്പും നൽകും. പോസ്റ്റ് ഫെലോഷിപ്പ് പിന്തുണയും ഈ പ്രോ​ഗ്രാം വാഗ്ദാനം ചെയ്യുന്നുണ്ട്. ഏതു രാജ്യത്തും ഉള്ളവർക്ക് ഫെലോഷിപ്പിന് അപേക്ഷിക്കാം. 18 മുതൽ 40 വയസ് വരെയാണ് പ്രായപരിധി. https://savvyfellows.com/apply/ എന്ന വെബ്സൈറ്റ് വഴി ഈ പ്രോ​ഗ്രാമിന് അപേക്ഷിക്കാം.

വികസനവുമായി ബന്ധപ്പെട്ട മേഖലകളിൽ പ്രവർത്തിക്കുന്നവർക്ക് മാർഗനിർദേശം നൽകാനാണ് ഈ മെന്റർഷിപ്പ് പ്രോഗ്രാം ലക്ഷ്യമിടുന്നത്. കൃഷി, ഉപജീവനമാർഗം, ആരോഗ്യം, പരിസ്ഥിതി തുടങ്ങിയ മേഖലകളുടെ ഉന്നമനത്തിനായി പ്രവർത്തിക്കുന്ന ഏതൊരു സ്റ്റാർട്ടപ്പിനും ഈ ഫെലോഷിപ്പ് പ്രോ​ഗ്രാമിലേക്ക് അപേക്ഷിക്കാം. ഇതൊരു നോൺ റെസിഡൻഷ്യൽ പ്രോഗ്രാമാണ്. 24 മാസത്തെ പ്രോ​ഗ്രാമിന്റെ ഭാ​ഗമായി വിദഗ്ധരിൽ നിന്നുള്ള മാർഗനിർദേശം, ഗ്രാമീണ പ്രദേശത്തെ ജനങ്ങളുമായുള്ള കൂടിക്കാഴ്ച, ഫണ്ടിംഗ് അവസരങ്ങൾ എന്നിവയെല്ലാം ലഭിക്കും.

സർക്കാർ കോളേജുകളും പ്രീമിയം ഐഐടികളും ഐഐഎമ്മുകളും മാത്രമല്ല, നിരവധി സ്വകാര്യ സർവ്വകലാശാലകളും കോളേജുകളും ഇത്തരം പ്രോ​ഗ്രാമുകൾ വാ​ഗ്ദാനം ചെയ്യുന്നുണ്ട്. സ്റ്റാർട്ടപ്പുകളെയും സംരംഭകരെയും പിന്തുണക്കുന്നതിനായുള്ള എൽപിയു സ്‌കോളർഷിപ്പ്, അമിറ്റി യൂണിവേഴ്‌സിറ്റിയുടെ അമിറ്റി ഇന്നൊവേഷൻ ഇൻകുബേറ്റർ, അമൃത വിശ്വവിദ്യാപീഠത്തിന്റെ അമൃത ടെക്‌നോളജി ബിസിനസ് ഇൻകുബേറ്റർ, ഹൈദരാബാദിലെ വാധ്വാനി സെന്റർ ഫോർ എന്റർപ്രണർഷിപ്പ് ഡെവലപ്‌മെന്റ് എന്നിവ ഇക്കൂട്ടത്തിൽ ഏറെ ജനപ്രിയമായവയാണ്.