CBSE അഫിലിയേഷനുവേണ്ടി സംസ്ഥാന വിദ്യാഭ്യാസ ഓഫീസുകളിൽ നിന്ന് പ്രത്യേക അനുമതിപത്രം വാങ്ങണമെന്ന സർക്കാർ ഉത്തരവ് ഹൈക്കോടതി റദ്ദാക്കി

എന്നാൽ വിവരാവകാശ നിയമത്തിന്റെ പരിധിയിലും 2011ലെ വിദ്യാഭ്യാസ അവകാശ ചട്ടങ്ങളുടെ പശ്ചാത്തലത്തിലും സിബിഎസ്ഇ സ്കൂളുകൾക്ക് കേന്ദ്രതലത്തിൽ സിബിഎസ്ഇ നിർദ്ദേശിച്ചിരിക്കുന്ന രീതിയിൽ സ്വയം സാക്ഷ്യപ്പെടുത്തിയ സർട്ടിഫിക്കറ്റുകൾ അഫിലിയേഷൻ പുതുക്കാൻ നൽകിയാൽ മതിയാകും എന്ന് ഹൈക്കോടതി കണ്ടെത്തി.

ഇത്തരം സ്വയം സാക്ഷ്യപ്പെടുത്തിയ, സ്കൂളുകളുടെ സർട്ടിഫിക്കറ്റുകൾ ലഭിച്ച ശേഷം അവരുടെ വിദ്യാഭ്യാസ സ്ഥാപനങ്ങളുടെ സ്ഥലത്തിന്റെ ഉടമസ്ഥത, സ്കൂളിലെ സൗകര്യങ്ങൾ എന്നിവയുമായി ബന്ധപ്പെട്ട കാര്യങ്ങളിൽ എന്തെങ്കിലും സംശയങ്ങൾ ഉണ്ടാകുന്ന പക്ഷം സിബിഎസ്ഇ ആവശ്യപ്പെടുന്ന മുറക്ക് സ്കൂളുകൾ അപേക്ഷിക്കുമ്പോൾ മാത്രമേ സംസ്ഥാനത്തെ വിദ്യാഭ്യാസ ഓഫീസുകളിൽ നിന്ന് പരിശോധന നടത്തേണ്ട ആവശ്യമുള്ളൂ എന്നും ഉത്തരവിൽ പറയുന്നു.