നാനോ സയൻസ് കേരളത്തിൽ പഠിക്കണോ? ജോയിന്റ് മാസ്റ്റേഴ്സ് പ്രോഗ്രാമിന് ഇപ്പോൾ അപേക്ഷിക്കാം

മാത്തമാറ്റിക്സ് ഉൾപ്പെടെ രണ്ട് സബ്സിഡിയറി / കോംപ്ലിമെന്ററി വിഷയങ്ങളടങ്ങിയ ബി.എസ് സി. ഫിസിക്സ്, ബി.എസ് സി. കെമിസ്ട്രി കോഴ്സുകൾ കഴിഞ്ഞവർക്കാണ് അതാതു വിഷയങ്ങളിലെ ബിരുദാനന്തര ബിരുദ പ്രവേശനത്തിനവസരം. യോഗ്യതാ പരീക്ഷയിൽ പാർട്ട് മൂന്നിന് 55 ശതമാനത്തിൽ കുറയാത്ത മാർക്കോടെ വിജയിച്ചവരെ മാത്രമേ, പരിഗണിക്കുകയുള്ളൂ.

വിദ്യാർഥികൾക്ക് രണ്ടു സർവകലാശാലകളിലെയും സൗകര്യങ്ങളും ഗവേഷണസാധ്യതകളും ലൈബ്രറിയുൾപ്പടെയുള്ള സൗകര്യങ്ങളും പ്രയോജനപ്പെടുത്താൻ കഴിയും. പഠന കാലത്ത് വ്യവസായ സ്ഥാപനങ്ങളിൽ ഇന്റേൺഷിപ്പിനും ഗവേഷണത്തിനും ജോലിക്കും അവസരമൊരുക്കുന്നതിനായി അവസാന സെമസ്റ്ററിൽ രാജ്യത്തെയോ വിദേശത്തെയോ പ്രമുഖ ഗവേഷണ സ്ഥാപനങ്ങളിൽ ആറു മാസത്തെ പ്രോജക്ടിനും അവസരമുണ്ടാകും.കോഴ്സ് കാലയളവിൽ വിദ്യാർഥികൾക്ക് രണ്ട് സർവകലാശാലകളിലും തുല്യ കാലയളവ് ചിലവഴിക്കാം.

പൊതു വിഭാഗത്തിൽ പെടുന്ന വിദ്യാർഥികൾക്ക് 500 രൂപയും പട്ടിക ജാതി, പട്ടികവർഗ വിഭാഗക്കാർക്ക് 250 രൂപയുമാണ് അപേക്ഷാഫീസ്. ഓൺലൈനിൽ ഫീസടച്ച്(http://epay.mgu.ac.in) താഴെക്കാണുന്ന ഗൂഗിൾ ഫോം ലിങ്ക് മുഖേനയാണ് അപേക്ഷ സമർപ്പിക്കേണ്ടത്.