പത്താം ക്ലാസ്സിൽ ഉന്നത വിജയമാണോ? ഒന്നേകാൽ ലക്ഷം രൂപ സ്കോളർഷിപ്പ്; പി.എം. ഫൗണ്ടേഷൻ ടാലന്റ് സെർച്ച് പരീക്ഷയ്ക്ക് തയ്യാറായിക്കോ

2023-2024 ലെ എസ്. എസ്.എൽ. സി / ടി. എച്ച്. എസ്.എൽ.സി പരീക്ഷയിൽ മുഴുവൻ വിഷയങ്ങളിലും എ പ്ലസ് ഗ്രേഡ് നേടിയ വിദ്യാർത്ഥികൾക്കും സി.ബി.എസ്.ഇ പരീക്ഷയിൽ ഓരോ വിഷയത്തിലും 90% മാർക്ക് നേടിയ വിദ്യാർത്ഥികൾക്കും അപേക്ഷിക്കാവുന്നതാണ്. ഇതോടൊപ്പം തന്നെ സംസ്ഥാന ദേശീയതല മത്സരങ്ങളിൽ (കായികം, കലാസാംസ്കാരികം, നേതൃത്വം, സാമൂഹിക സേവനം, വിവരസാങ്കേതികം) വിജയികളായവരും എല്ലാ വിഷയങ്ങൾക്കും ചുരുങ്ങിയത് എ ഗ്രേഡ് (എസ്.എസ്.എൽ.സി.) / തത്തുല്യ മാർക്ക് (സി.ബി.എസ്.ഇ.) നേടിയിട്ടുള്ള വിദ്യാർത്ഥികൾക്ക് അപേക്ഷിക്കാവുന്നതാണ്.

രണ്ടു മണിക്കൂർ ദൈർഘ്യമുള്ള ഒബ്ജക്റ്റീവ് പരീക്ഷയാണ്, അപേക്ഷാർത്ഥികൾ എഴുതേണ്ടി വരിക.അടിസ്ഥാന ശാസ്ത്രം, സാമൂഹികശാസ്ത്രം, പൊതുവിജ്ഞാനം, ജനറൽ ഇന്റലിജൻസ് തുടങ്ങിയ വിഷയങ്ങ ളിലുള്ള ചോദ്യങ്ങളുണ്ടായിരിക്കും. പരീക്ഷയുടെ നിലവാരം പത്താം ക്ലാസ്സിനു തുല്യമായിരിക്കും.