Covid 19| മുഖ്യമന്ത്രി പിണറായി വിജയന്റെ കോവിഡ് പരിശോധനാഫലം നെഗറ്റീവ്; നിരീക്ഷണത്തിൽ തുടരും
- Published by:Rajesh V
- news18-malayalam
Last Updated:
നേരത്തെ കരിപ്പൂര് വിമാനാപകട സ്ഥലം സന്ദര്ശിച്ചതിനെ തുടര്ന്ന് മുഖ്യമന്ത്രി കോവിഡ് പരിശോധന നടത്തുകയും ഫലം നെഗറ്റീവാകുകയും ചെയ്തിരുന്നു.
തിരുവനന്തപുരം: ധനമന്ത്രിക്ക് കോവിഡ് സ്ഥിരീകരിച്ചതിനെ തുടർന്ന് സ്വയം നിരീക്ഷണത്തിലായിരുന്ന മുഖ്യമന്ത്രി പിണറായി വിജയന്റെ കോവിഡ് പരിശോധനാഫലം നെഗറ്റീവ്. എങ്കിലും അദ്ദേഹം സ്വയം നിരീക്ഷണത്തിൽ തുടർന്നേക്കും. ധനമന്ത്രി തോമസ് ഐസക്കിന് കഴിഞ്ഞ ഞായറാഴ്ചയാണ് കോവിഡ് സ്ഥിരീകരിച്ചത്. തിരുവനന്തപുരത്ത് എകെജി സെന്ററില് മുഖ്യമന്ത്രിയും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും ഉള്പ്പെടെ പങ്കെടുത്ത സംസ്ഥാന സെക്രട്ടറിയേറ്റ് യോഗത്തിൽ തോമസ് ഐസക് പങ്കെടുത്തിരുന്നു. ഇതേതുടർന്നാണ് മുഖ്യമന്ത്രിയടക്കം സ്വയം നിരീക്ഷണത്തിൽ പ്രവേശിച്ചത്.
രണ്ടാം തവണയാണ് മുഖ്യമന്ത്രിയുടെ കോവിഡ് പരിശോധനാഫലം നെഗറ്റീവാകുന്നത്. നേരത്തെ കരിപ്പൂര് വിമാനാപകട സ്ഥലം സന്ദര്ശിച്ചതിനെ തുടര്ന്ന് മുഖ്യമന്ത്രി കോവിഡ് പരിശോധന നടത്തുകയും ഫലം നെഗറ്റീവാകുകയും ചെയ്തിരുന്നു. വിമാനത്താവള സന്ദര്ശന സമയത്ത് സമ്പര്ക്കത്തിലൂണ്ടായിരുന്ന മലപ്പുറം ജില്ലാ കളക്ടര്ക്ക് കോവിഡ് സ്ഥിരീകരിച്ചതിനെ തുടര്ന്നായിരുന്നു ഇത്.
advertisement
ഇതിനിടെ, സംസ്ഥാനത്ത് തുടര്ച്ചയായി മൂന്നാം ദിവസവും കോവിഡ് രോഗികളുടെ എണ്ണം മൂവായിരം കടന്നു. ഇന്നലെ 3349 പേര്ക്ക് കോവിഡ് സ്ഥിരീകരിച്ചു. ഇതില് 3058 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 266 പേരുടെ ഉറവിടം വ്യക്തമല്ല. കഴിഞ്ഞദിവസങ്ങളില് മരിച്ചവരുടെ ഉള്പ്പടെ പരിശോധനഫലം വന്നതോടെ ഇന്ന് 12 മരണങ്ങള് കൂടി രേഖപ്പെടുത്തി. ഇതോടെ ആകെ മരണം 396 ആയി.
Location :
First Published :
Sep 11, 2020 6:33 AM IST
മലയാളം വാർത്തകൾ/ വാർത്ത/Corona/
Covid 19| മുഖ്യമന്ത്രി പിണറായി വിജയന്റെ കോവിഡ് പരിശോധനാഫലം നെഗറ്റീവ്; നിരീക്ഷണത്തിൽ തുടരും
