'അടച്ചിട്ട മുറി കൊല്ലും, ഫാൻ മാഫിയ എന്ന് വിളിക്കില്ലെന്നുറപ്പു തന്നാൽ ഒരു രഹസ്യം പറയാം': ഡോ. സുൽഫി നൂഹു

തിരുവനന്തപുരം: കോവിഡ് 19 വ്യാപനവും അടച്ചിട്ട മുറികളും തമ്മിൽ ബന്ധമുണ്ടോ? അടച്ചിട്ട മുറികളിൽ കോവിഡ്-19 വരാനുള്ള സാധ്യത വളരെ കൂടുതലാണെന്നും ലോകാരോഗ്യസംഘടന ആദ്യ കാലം മുതൽ തന്നെ ഇക്കാര്യം പറയുന്നുണ്ടെന്നും ഡോക്ടർ സുൽഫി നൂഹു പറയുന്നു. ചെറിയ ദ്രവ കണികളിലൂടെ പകരുന്ന രോഗമാണ് കോവിഡ്-19. എന്നാൽ വായുവിലൂടെ ഒരു ചെറിയ പങ്ക് പകരുന്നുണ്ട് എന്നുള്ളത് വളരെ വ്യക്തം. പുതിയ വേരിയന്റുകളുടെ കാര്യത്തിൽ പകർച്ച വ്യാപന തോത് കൂടിയിരിക്കുന്ന പ്രത്യേക സാഹചര്യത്തിൽ അടച്ചിട്ട മുറിയുടെ പ്രാധാന്യം കൂടുതൽ തന്നെയാണ്. അതുകൊണ്ട് അടച്ചിട്ട മുറികൾ കഴിവതും ഒഴിവാക്കണമെന്നും സുല്‍ഫി നൂഹു പറയുന്നു.