CDR Row| കോവിഡ് രോഗികളുടെ ഫോൺവിളി ശേഖരണം: പൊലീസ് നടപടിക്കെതിരായ ചെന്നിത്തലയുടെ ഹർജി ഇന്ന് പരിഗണിക്കും
- Published by:Rajesh V
- news18-malayalam
Last Updated:
വ്യക്തികളുടെ ഫോൺ വിളികളുടെ വിശദാംശങ്ങൾ ശേഖരിക്കുന്ന തീരുമാനം സ്വകാര്യതയിൽ ഉള്ള കടന്നുകയറ്റം ആണെന്നും ഭരണഘടനാ വിരുദ്ധമായ നടപടിയിൽ നിന്ന് പൊലീസിനെ വിലക്കണമെന്നുമാണ് ഹർജിയിലെ ആവശ്യം.
കൊച്ചി: കോവിഡ് രോഗികളുടെ ഫോൺവിളി വിശദാംശങ്ങൾ ശേഖരിക്കാനുള്ള പൊലീസ് നടപടി വിലക്കണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല സമര്പിച്ച ഹർജി ഹൈക്കോടതി ഇന്ന് പരിഗണിക്കും. വ്യക്തികളുടെ ഫോൺ വിളികളുടെ വിശദാംശങ്ങൾ ശേഖരിക്കുന്ന തീരുമാനം സ്വകാര്യതയിൽ ഉള്ള കടന്നുകയറ്റം ആണെന്നും ഭരണഘടനാ വിരുദ്ധമായ നടപടിയിൽ നിന്ന് പൊലീസിനെ വിലക്കണമെന്നുമാണ് ഹർജിയിലെ ആവശ്യം.
രോഗികളുടെ ഫോൺ വിളി വിശദാംശങ്ങളല്ല, സമ്പർക്ക പട്ടിക തയാറാക്കാൻ ടവർ ലൊക്കേഷൻ കണ്ടെത്തലാണ് പൊലീസ് ചെയ്യുന്നതെന്നാണ് സർക്കാർ നിലപാട്. പൊലീസ് നടപടിയിൽ ഭരണഘടനാ വിരുദ്ധമായി ഒന്നും ഇല്ലെന്നും സർക്കാർ കോടതിയെ അറിയിക്കും. കോവിഡ് രോഗികളുടെ ഫോൺവിളി വിശദാംശം കൈമാറണം എന്ന് ആവശ്യപ്പെട്ട് ഇന്റലിൻജൻസ് എഡിജിപി വിവിധ മൊബൈൽ സേവനദാതാക്കള്ക്ക് കത്ത് നൽകിയിരുന്നു.
TRENDING 'തെരഞ്ഞെടുപ്പിലെ ഫേസ്ബുക്ക് ഇടപെടൽ'; അന്വേഷണം ആവശ്യപ്പെട്ട് മാർക് സക്കർബർഗിന് കോൺഗ്രസിന്റെ കത്ത് [NEWS]COVID 19 | കേരളത്തിൽ നിന്ന് പോയ 227 പേർക്ക് മറ്റു സംസ്ഥാനങ്ങളിൽ വച്ച് കോവിഡ് ബാധിച്ചു [NEWS] രോഹിത് ശർമ ഉൾപ്പെടെ നാലു പേർക്ക് ഖേൽരത്ന പുരസ്കാരത്തിന് ശുപാർശ[NEWS]
കോവിഡ് രോഗികളുടെ ഫോണ്വിളി വിശദാംശങ്ങള് പൊലീസ് ശേഖരിക്കുന്നതിനെതിരെ ശക്തമായ വിമർശനമാണ് ഉയർന്നത്. മുൻപ് കാസര്കോട്ടും കണ്ണൂരിലും രോഗികളുടെ വിവരങ്ങള് ചോര്ന്നത് വിവാദമായിരുന്നു. ഇതിനിടെയാണ് സംസ്ഥാനമൊട്ടാകെയുള്ള കോവിഡ് രോഗികളുടെ ഫോണ്വിളി വിശദാംശങ്ങൾ പൊലീസ് ശേഖരിക്കുന്നത്.
Location :
First Published :
August 19, 2020 6:58 AM IST
മലയാളം വാർത്തകൾ/ വാർത്ത/Corona/
CDR Row| കോവിഡ് രോഗികളുടെ ഫോൺവിളി ശേഖരണം: പൊലീസ് നടപടിക്കെതിരായ ചെന്നിത്തലയുടെ ഹർജി ഇന്ന് പരിഗണിക്കും
