Covid 19 | രാജ്യത്ത് പ്രതിദിന കോവിഡ് കേസുകളില് കുറവ്; വാരാന്ത്യ ലോക്ഡൗണ് ഫലം ചെയ്യുന്നു; ആരോഗ്യ മന്ത്രി
- Published by:Karthika M
- news18-malayalam
Last Updated:
വാരാന്ത്യ ലോക്ഡൗണ് ഫലം ചെയ്യുന്നു എന്ന് തെളിയിക്കുന്നതാണ് ഈ കണക്കുകള് എന്ന് ആരോഗ്യമന്ത്രി സത്യേന്ദ്ര ജെയിന് പറഞ്ഞു.
ന്യൂഡല്ഹി: രാജ്യത്ത് പ്രതിദിന കോവിഡ് (Covid) കേസുകളില് കുറവ്. 2,38,018 ആയി പ്രതിദിന കേസുകള് കുറഞ്ഞപ്പോള് മരണസംഖ്യ 310 ആയും കുറഞ്ഞു.
ഡല്ഹിയില് പ്രതിദിന കൊവിഡ് കേസുകള് മുപ്പത് ശതമാനം കുറഞ്ഞു. 12528 പേര്ക്കാണ് ഇന്നലെ കൊവിഡ് സ്ഥിരീകരിച്ചത്. വാരാന്ത്യ ലോക്ഡൗണ് ഫലം ചെയ്യുന്നു എന്ന് തെളിയിക്കുന്നതാണ് ഈ കണക്കുകള് എന്ന് ആരോഗ്യമന്ത്രി സത്യേന്ദ്ര ജെയിന് പറഞ്ഞു. മുംബൈയില് കേസുകള് പതിനായിരത്തിന് താഴെയെത്തി. 5956 പേര്ക്കാണ് പുതിയതായി കൊവിഡ് ബാധിച്ചത്.
എന്നാല്, തമിഴ്നാട്ടില് 24 മണിക്കൂറിനിടെ കോവിഡ് വ്യാപനത്തിന് കുറവില്ല. ഇന്നലെ 23,443 പേര്ക്ക് കൂടി കൊവിഡ് സ്ഥിരീകരിച്ചു. 20 പേര് മരിച്ചു. ചെന്നൈയില് മാത്രം 8591 പുതിയ രോഗികളുണ്ട്. 29.7% ആണ് ചെന്നൈയിലെ ടെസ്റ്റ് പോസിറ്റിവിറ്റി നിരക്ക്.
advertisement
അതേ സമയം കേരളത്തില്സംസ്ഥാനത്തെ ടിപിആര് 17 ശതമാനമായി ര്ഉയര്ന്നു. സംസ്ഥാനത്ത് ഇതുവരെ 241 പേര്ക്കാണ് ഒമിക്രോണ് വകഭേദം സ്ഥിരീകരിച്ചത്. ഇതില് 231 പേര് ആശുപത്രി വിട്ടു. ഇന്നലെ പുതിയ ഒമിക്രോണ് രോഗികളില്ല.
കോവിഡ് പ്രതിരോധ പ്രവര്ത്തനങ്ങള് ശക്തമാക്കും; അതീവ ജാഗ്രത തുടരണം ; മന്ത്രി വീണാ ജോര്ജ്
തിരുവനന്തപുരം : കോവിഡ് വ്യാപനം രൂക്ഷമാവുന്ന സാഹചര്യത്തില് കോവിഡ് പ്രതിരോധ പ്രവര്ത്തനം ശക്തമാക്കുമെന്ന് ആരോഗ്യ മന്ത്രി വീണാ ജോര്ജ്. സംസ്ഥാനത്ത് കോവിഡ് രോഗികളുടെ എണ്ണം വര്ധിക്കുന്ന സാഹചര്യത്തില് ആരോഗ്യ, തദ്ദേശസ്വയംഭരണ വകുപ്പ് മന്ത്രിമാരുടെ നേതൃത്വത്തില് യോഗം ചേര്ന്നു. വാര്ഡുതല കോവിഡ് പ്രതിരോധ പ്രവര്ത്തനങ്ങള് ശക്തമാക്കാന് യോഗം തീരുമാനിച്ചു.
advertisement
വാര്ഡുതല കമ്മിറ്റികള് ശക്തിപ്പെടുത്തുന്നതാണ്. എല്ലാ വാര്ഡുകളിലും റാപ്പിഡ് റെസ്പോണ്സ് ടീം (ആര്ആര്ടി) ശക്തിപ്പെടുത്തും. വേളണ്ടിയന്മാരെ സജീവമാക്കും. തദ്ദേശ സ്ഥാപന തലത്തില് അവബോധ പ്രവര്ത്തനങ്ങള് ശക്തമാക്കുന്നതാണെന്നും മന്ത്രി അറിയിച്ചു.
കുടുംബശ്രീ പ്രവര്ത്തകരെ കൂടി അവബോധ പ്രവര്ത്തനങ്ങളില് പങ്കാളികളാക്കും. തദ്ദേശ സ്ഥാപനങ്ങളുമായി ബന്ധപ്പെടുത്തി വാക്സിനേഷന് പ്രവര്ത്തനങ്ങളും ഊര്ജിതമാക്കി വരുന്നു. വ്യാപനം കൂടിയ പ്രദേശങ്ങളില് കൂടുതല് ശ്രദ്ധ പതിപ്പിച്ച് പ്രവര്ത്തനങ്ങള് ഏകോപിക്കുന്നതാണെന്നും മന്ത്രി അറിയിച്ചു.
ജില്ലാ ദുരന്ത നിവാരണ അതോറിറ്റി നിര്ദേശിക്കുന്ന സ്ഥലങ്ങളില് തദ്ദേശ സ്ഥാപനങ്ങളുടെ മേല്നോട്ടത്തില് കൂടുതല് സിഎഫ്എല്ടിസികള് സജ്ജമാക്കുമെന്നും ആവശ്യമെങ്കില് ഹോസ്റ്റലുകള് ഏറ്റെടുക്കുമെന്നും മന്ത്രി അറിയിച്ചു.
advertisement
ഓരോ പ്രദേശത്തുമുള്ള കോവിഡ് കേസുകളുടെ വര്ധനവ് സംബന്ധിച്ച് ആരോഗ്യ വകുപ്പ് ആവശ്യമായ വിവരങ്ങള് തദ്ദേശ സ്വാപനങ്ങള്ക്ക് നല്കും. അതനുസരിച്ചുള്ള പ്രവര്ത്തനങ്ങള് തദ്ദേശ സ്ഥാപനങ്ങള് നടത്തുന്നതാണെന്നും മന്ത്രി പറഞ്ഞു.
Location :
First Published :
Jan 18, 2022 11:10 AM IST
മലയാളം വാർത്തകൾ/ വാർത്ത/Corona/
Covid 19 | രാജ്യത്ത് പ്രതിദിന കോവിഡ് കേസുകളില് കുറവ്; വാരാന്ത്യ ലോക്ഡൗണ് ഫലം ചെയ്യുന്നു; ആരോഗ്യ മന്ത്രി
