Covid19| 12നും അതിനു മുകളിലും വയസുള്ള കുട്ടികൾ നിർബന്ധമായും മാസ്ക് ധരിക്കണമെന്ന് ലോകരോഗ്യ സംഘടന

കുട്ടികൾക്ക് എങ്ങനെയാണ് വൈറസ് പകരുന്നതെന്നതിനെക്കുറിച്ച് വളരെക്കുറച്ചേ അറിവുള്ളൂവെന്ന് ലോകാരോഗ്യ സംഘടന വ്യക്തമാക്കുന്നു. പക്ഷേ മുതിർന്നവരെപ്പോലെ തന്നെ കൗമാരക്കാരെയും ബാധിക്കുമെന്നാണ് ലോകാരോഗ്യ സംഘടന പറയുന്നത്. അതിനാല്‍ തന്നെ 12 വയസും അതിനുമുകളില്‍ പ്രായമുള്ളവരും മാസ്‌ക് നിര്‍ബന്ധമായും ധരിക്കണമെന്നും സാമൂഹിക അകലം പാലിക്കണമെന്നുമാണ് ലോകാരോഗ്യ സംഘടനയുടെ നിര്‍ദേശം.

അഞ്ച് വയസിനും അതിന് താഴെയും പ്രായമുള്ള കുട്ടികൾ മാസ്ക് ധരിക്കേണ്ടതില്ലെന്ന് ലോകാരോഗ്യ സംഘടന പറഞ്ഞു. ലോകത്താകെ 2.3 കോടി ജനങ്ങള്‍ക്കാണ് കോവിഡ് ഇതുവരെ സ്ഥിരീകരിച്ചത്. എന്നാല്‍ ഇതില്‍ കൂടുതല്‍ പേര്‍ രോഗബാധിതരായുണ്ടാവാം എന്നാണ് വിദഗ്ധര്‍ പറയുന്നത്.