കോവിഡ് 19 വാക്സിൻ സ്വീകരിച്ചോ? വാക്സിനേഷൻ സർട്ടിഫിക്കറ്റ് ഡൗൺലോഡ് ചെയ്യേണ്ടത് എങ്ങനെയെന്ന് അറിയാം

ഇന്ത്യ 18 വയസിന് മുകളിൽ പ്രായമുള്ള എല്ലാവർക്കും കോവിഡ് വാക്സിനേഷൻ ആരംഭിച്ചതിനാൽ വാക്സിൻ സെന്ററുകളിൽ വലിയ തിരക്കുണ്ടാകാൻ സാധ്യതയുണ്ട്. കൃത്യമായ മുൻകരുതലുകളും മാർഗനിർദേശങ്ങളും ആളുകൾ പാലിച്ചില്ലെങ്കിൽ ഇൻഡോർ സാഹചര്യങ്ങളിലും വലിയ ജനക്കൂട്ടത്തിനിടയിലും വൈറസ് വ്യാപനത്തിന്റെ തോത് പല മടങ്ങ് കൂടുതലായിരിക്കും എന്ന ആശങ്ക ആരോഗ്യ വിദഗ്ദ്ധർ പ്രകടിപ്പിക്കുന്നുണ്ട്. നിലവിൽ രണ്ട് കോവിഡ് വാക്സിനുകളാണ് ഇന്ത്യ ലഭ്യമാക്കുന്നത്- ഒന്ന് സെറം ഇൻസ്റ്റിറ്റ്യൂട്ട് ഓഫ് ഇന്ത്യ വികസിപ്പിച്ചെടുത്ത കോവിഷീൽഡും മറ്റൊന്ന് ഭാരത് ബയോടെക്കിന്റെ കോവാക്സിനുമാണ്.