കോവിഡ് 19: ആറ്റുകാൽ പൊങ്കാല അടക്കമുള്ള ആഘോഷങ്ങളിൽ ആശങ്ക അറിയിച്ച് IMA

ആറ്റുകാൽ പൊങ്കാലയിലും മറ്റ് ആഘോഷങ്ങളിലും വളരെയധികം ആളുകൾ ഒത്തു ചേരുന്ന സാഹചര്യമുണ്ട്. ഇത് കടുത്ത ആശങ്ക ഉണ്ടാക്കുന്നുവെന്നാണ് ഇന്ത്യൻ മെഡിക്കൽ അസോസിയേഷൻ കേരളഘടകം പ്രസ്താവനയിൽ അറിയിച്ചത്.

നിലവിലെ ആശങ്കയും ഉചിതമായ തീരുമാനം കൈക്കൊള്ളേണ്ടതിന്റെ ആവശ്യകതയും ആരോഗ്യവകുപ്പ് പ്രിൻസിപ്പൽ സെക്രട്ടറിയെ അറിയിച്ചിട്ടുണ്ടെന്നും IMA വ്യക്തമാക്കി. അടുത്ത ദിവസം നടക്കാനിരിക്കുന്ന ആറ്റുകാൽ പൊങ്കാല നിശ്ചച്ച പോലെ തന്നെ നടക്കുമെന്ന് ആരോഗ്യമന്ത്രി കെ.കെ.ശൈലജ അറിയിച്ചിരുന്നു. ഇതിനെ തുടർന്നാണ് IMAയുടെ പ്രതികരണം.