Covid 19 | നഴ്സിന് കോവിഡ്; പ്രതിരോധ കുത്തിവയ്പ്പെടുത്ത എറണാകുളത്തെ നാൽപ്പതിലധികം കുട്ടികൾ നിരീക്ഷണത്തിൽ

ആലുവ ചൊവ്വരയിലുള്ള ആശുപത്രിയിലെ ആരോഗ്യ പ്രവർത്തകയ്ക്ക് ഇന്നലെയാണ് കോവിഡ് സ്ഥിരീകരിച്ചത്.

News18 Malayalam | news18-malayalam
Updated: June 24, 2020, 3:13 PM IST
Covid 19 | നഴ്സിന് കോവിഡ്; പ്രതിരോധ കുത്തിവയ്പ്പെടുത്ത എറണാകുളത്തെ നാൽപ്പതിലധികം കുട്ടികൾ നിരീക്ഷണത്തിൽ
പ്രതീകാത്മക ചിത്രം
  • Share this:
കൊച്ചി: എറണാകുളത്ത് നാൽപ്പതിലധികം  കുട്ടികളും അവരുടെ മാതാപിതാക്കളും കോവിഡ്  നിരീക്ഷണത്തിൽ. ചൊവ്വരയിലെ ആശുപത്രിയിലെ ആരോഗ്യ പ്രവർത്തകയ്ക്ക് കോവിഡ് സ്ഥിരീകരിച്ച സാഹചര്യത്തിലാണ് നടപടി. ഇവർ കുട്ടികൾക്ക് പ്രതിരോധ കുത്തിവെയ്പ്പ് നൽകിയിരുന്നു.

ആലുവ ചൊവ്വരയിലുള്ള ആശുപത്രിയിലെ ആരോഗ്യ പ്രവർത്തകയ്ക്ക് ഇന്നലെയാണ് കോവിഡ് സ്ഥിരീകരിച്ചത്. ഇതിന് പിന്നാലെയാണ് ഇവരുമായി നേരിട്ട് ഇടപെട്ടവരുടെ സമ്പർക്ക പട്ടിക ആരോഗ്യവകുപ്പ് തയ്യാറാക്കിയത്. പ്രതിരോധ പ്രവർത്തനങ്ങളിലടക്കം സജീവമായിരുന്നു കോവിഡ് സ്ഥിരീകരിച്ച ആരോഗ്യ പ്രവർത്തക.

TRENDING:പതിനേഴുകാരിയെ തട്ടിക്കൊണ്ടു പോയി പീഡിപ്പിച്ചു; ദമ്പതികൾ അറസ്റ്റിൽ [NEWS]ഭാര്യയെ കാണാനില്ലെന്ന് ഭർത്താവ്; കാമുകനൊപ്പം ഒളിച്ചോടിയ ഭാര്യ വിഷം കഴിച്ച ശേഷം സ്റ്റേഷനിൽ [NEWS]രഹന ഫാത്തിമയെ ന്യായീകരിക്കുന്നവർ വായിച്ചറിയാൻ ഒരു ഡോക്ടർ എഴുതുന്നു [NEWS]
ഈ മാസം 16, 17 തിയതികളിൽ ശ്രീമൂലനഗരം പഞ്ചായത്തിൽ  വാക്സിനേഷൻ നൽകിയിരുന്നു. ഇവരും കുട്ടികൾക്ക് കുത്തിവെയ്പ്പ് നൽകിയിരുന്നു. ഈ സാഹചര്യത്തിൽ ആരോഗ്യ പ്രവർത്തകയുമായി നേരിട്ട് ഇടപെട്ടവരോട് നിരീക്ഷണത്തിലാകാൻ നിർദേശം നൽകി.

കോവിഡ് സ്ഥിരീകരിച്ച ആരോഗ്യ പ്രവർത്തക ഇപ്പോൾ ആശുപത്രിയിൽ ചികിത്സയിലാണ്. ഇവരുടെ ഭർത്താവിനും കോവിഡ് സ്ഥിരീകരിച്ചിട്ടുണ്ട്. ആശങ്കപ്പെടേണ്ട സാഹചര്യമില്ലെന്നാണ് ആരോഗ്യ വകുപ്പ് അറിയിച്ചിരിക്കുന്നത്. മുൻകരുതൽ എന്ന നിലയിൽ ശ്രീമൂലനഗരം പഞ്ചായത്തിലെ 1, 7, 9, 10, 11, 12 വാർഡുകളെ കൻ്റെൻമെൻറ് സോണുകളായി പ്രഖ്യാപിച്ചിട്ടുണ്ട്.
First published: June 24, 2020, 3:13 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading