Omicron | സംസ്ഥാനത്ത് 50 പേര്ക്ക് കൂടി ഒമിക്രോണ്; രോഗം ബാധിച്ചവരുടെ എണ്ണം 280 ആയി
- Published by:Anuraj GR
- news18-malayalam
Last Updated:
ലോ റിസ്ക് രാജ്യങ്ങളില് നിന്നും 186 പേരും ഹൈ റിസ്ക് രാജ്യങ്ങളില് നിന്നും ആകെ 64 പേരും എത്തിയിട്ടുണ്ട്. 30 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്
തിരുവനന്തപുരം: സംസ്ഥാനത്ത് 50 പേര്ക്ക് കൂടി ഒമിക്രോണ് (Omicron) സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് (Veena George) അറിയിച്ചു. എറണാകുളം 18, തിരുവനന്തപുരം 8, പത്തനംതിട്ട 7, കോട്ടയം, മലപ്പുറം 5 വീതം, കൊല്ലം 3, ആലപ്പുഴ, തൃശൂര്, പാലക്കാട് ഒന്ന് വീതം എന്നിങ്ങനെയാണ് ഒമിക്രോണ് സ്ഥിരീകരിച്ചത്. ഇതുകൂടാതെ കോയമ്പത്തൂര് സ്വദേശിക്കും ഒമിക്രോണ് സ്ഥീരികരിച്ചു. ഇതില് 45 പേര് ലോ റിസ്ക് രാജ്യങ്ങളില് നിന്നും 5 പേര് ഹൈ റിസ്ക് രാജ്യങ്ങളില് നിന്നും വന്നതാണ്. ആര്ക്കും തന്നെ സമ്പര്ക്കത്തിലൂടെ ഒമിക്രോണ് ബാധിച്ചിട്ടില്ല.
എറണാകുളം യുഎഇ 13, ഖത്തര് 4, സ്വീഡന് 1, തിരുവനന്തപുരം യുഎഇ 4, സൗദി അറേബ്യ, മാലിദ്വീപ്, യുകെ, ഇറ്റലി 1 വീതം, പത്തനംതിട്ട യുഎഇ 4, യുഎസ്എ 2, ഖത്തര് 1, കോട്ടയം യുഎസ്എ 2, യുകെ, യുഎഇ, ഉക്രൈന് 1 വീതം, മലപ്പുറം യുഎഇ 5, കൊല്ലം യുഎഇ 3, ആലപ്പുഴ സിങ്കപ്പര് 1, തൃശൂര് യുഎഇ 1, പാലക്കാട് യുഎഇ 1 എന്നിങ്ങനെ രാജ്യങ്ങളില് നിന്നും വന്നതാണ്. കോയമ്പത്തൂര് സ്വദേശി ഈജിപ്റ്റില് നിന്നും വന്നതാണ്.
advertisement
ഇതോടെ സംസ്ഥാനത്ത് ആകെ 280 പേര്ക്കാണ് ഒമിക്രോണ് സ്ഥിരീകരിച്ചത്. ലോ റിസ്ക് രാജ്യങ്ങളില് നിന്നും 186 പേരും ഹൈ റിസ്ക് രാജ്യങ്ങളില് നിന്നും ആകെ 64 പേരും എത്തിയിട്ടുണ്ട്. 30 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്.
ഇന്ത്യയില് കോവിഡ് മൂന്നാം തരംഗം; ജനുവരിയില് കേസുകള് ഏറ്റവുമുയര്ന്ന നിരക്കിലാവും; മുന്നറിയിപ്പ്
ഇന്ത്യില് കോവിഡ് മൂന്നാം തരംഗം സ്ഥിരീകരിച്ച് കോവിഡ് വാക്സീന് സാങ്കേതിക ഉപദേശകസമിതി. ജനുവരിയില് തന്നെ കോവിഡ് കേസുകള് ഏറ്റവുമുയര്ന്ന നിരക്കിലാകുമെന്നും സമിതി പറഞ്ഞു.
advertisement
കഴിഞ്ഞയാഴ്ച മാത്രം രാജ്യത്ത് കോവിഡ് കേസുകളില് വന്വര്ദ്ധനയാണുണ്ടായത്. ഇത് മൂന്നാംതരംഗത്തെ സൂചിപ്പിക്കുന്നത് തന്നെയാണെന്ന് കോവിഡ് വാക്സീന് സാങ്കേതിക ഉപദേശകസമിതി ചെയര്മാന് ഡോ. എന് കെ അറോറ പറഞ്ഞു. രാജ്യത്തെ മെട്രോ നഗരങ്ങളില് ആശുപത്രികള് നിറഞ്ഞു കവിയാന് സാധ്യതയുണ്ടെന്നും ഡോ. എന് കെ അറോറ കൂട്ടിച്ചേര്ത്തു.
പുതുതായി ഉണ്ടായ 50 ശതമാനം കേസുകള്ക്കും പിന്നില് ഒമിക്രോണ് വകഭേദമാണെന്നും ഒമിക്രോണ് കൂടുതലായി വ്യാപിക്കുന്നത് നഗരങ്ങളിലാണെന്നും ദേശീയ വാര്ത്താ ഏജന്സിയായ പിടിഐയോട് അദ്ദേഹം വ്യക്തമാക്കി.
advertisement
കോവിഡ് രണ്ടാംതരംഗത്തില് ബഹുഭൂരിപക്ഷം പേരും ചികിത്സ കിട്ടാതെയാണ് മരിച്ചതെന്ന വിവിധ റിപ്പോര്ട്ടുകള് പുറത്തുവന്നതാണ്. ആശുപത്രികള് നിറഞ്ഞുകവിയുന്ന സ്ഥിതിയുണ്ടായാല് രണ്ടാം തരംഗത്തിലെ ദുരവസ്ഥ ആവര്ത്തിക്കുമോ എന്നതാണ് ആശങ്കയാകുന്നത്.
വാക്സീനെടുക്കാത്തവരായി ആരെങ്കിലുമുണ്ടെങ്കില് എത്രയും പെട്ടന്ന തന്നെ വാക്സിന് എടുക്കണമെന്നും അദ്ദേഹം പറഞ്ഞു. കൊവിഡ് പകരാതിരിക്കാനുള്ള എല്ലാ മുന്കരുതലും സ്വീകരിക്കണം.
advertisement
Location :
First Published :
Jan 06, 2022 5:53 PM IST
മലയാളം വാർത്തകൾ/ വാർത്ത/Corona/
Omicron | സംസ്ഥാനത്ത് 50 പേര്ക്ക് കൂടി ഒമിക്രോണ്; രോഗം ബാധിച്ചവരുടെ എണ്ണം 280 ആയി
