കോവിഡ് രോഗികളെ ബന്ധുക്കൾക്ക് എൽ ഇ ഡി സ്‌ക്രീനിലൂടെ കാണാം; പ്രശംസ പിടിച്ചുപറ്റി ഒരു മാതൃകാ ഐസിയു

"ഐ സി യുവിൽ പ്രവേശിപ്പിക്കുകയും പിന്നീട് മരണത്തിന് കീഴടങ്ങുകയും ചെയ്ത നിരവധി രോഗികളെക്കുറിച്ചുള്ളഭീതിതമായകഥകൾ കേട്ടതിന് ശേഷം അമ്മയ്ക്ക് കോവിഡ് ബാധ സ്ഥിരീകരിച്ചപ്പോൾ ഞാൻ വല്ലാത്ത ആശങ്കയിലായിരുന്നു. ഈ ആശുപത്രിയിലെഐ സി യുവിൽ അമ്മയെ പ്രവേശിപ്പിച്ചപ്പോൾ ഇവിടുത്തെ ജീവനക്കാരാണ് എൽ ഇ ഡി ഡിസ്പ്ലേ സൗകര്യത്തെക്കുറിച്ച്പറഞ്ഞു തന്നത്. ഇതേക്കുറിച്ച് അറിഞ്ഞതോടെ എനിക്കൽപ്പം ആശ്വാസമായി. ഓരോ ദിവസവും അമ്മയുടെ ആരോഗ്യം മെച്ചപ്പെടുന്നുണ്ട് എന്ന് നേരിട്ട് കണ്ടറിയാൻ സാധിക്കുന്നത് വലിയ സന്തോഷം തരുന്ന കാര്യമാണ്. ഇന്നലെ അമ്മ എന്നെ കൈ വീശികാണിക്കുകയും ചെയ്തു", നിറഞ്ഞ കണ്ണുകളോടെ സുമൻ പറയുന്നു.

ഐ സി യുവിന്പുറത്ത് സ്ഥാപിച്ചിട്ടുള്ള എൽ ഇ ഡി സ്‌ക്രീനിൽ ഐ സി യു കിടക്കകളിൽ ചികിത്സയിൽ കഴിയുന്ന രോഗികളെ കാണാൻ കഴിയും. രോഗികൾക്ക് പുറത്ത് നിൽക്കുന്ന തങ്ങളുടെ കുടുംബാംഗങ്ങളെയും കാണാൻ കഴിയും. രോഗികൾക്കും കുടുംബാംഗങ്ങൾക്കും ഈ സൗകര്യം വലിയ ആശ്വാസമാണ് നൽകുന്നത്. തങ്ങളുടെ ആരോഗ്യത്തെക്കുറിച്ച്ആത്മവിശ്വാസക്കുറവ് തോന്നുന്ന രോഗികൾക്ക് വലിയ പിന്തുണയാണ്ഈ സംവിധാനത്തിലൂടെ കുടുംബാംഗങ്ങളെ കാണുമ്പോൾ ലഭിക്കുന്നത്. പ്രിയപ്പെട്ടവരെ ഒരു നോക്ക് കാണാൻ സാധിക്കുന്നത് രോഗികൾക്ക് ആ ദിവസങ്ങളിലെവേദന നിറഞ്ഞ യാത്ര അൽപ്പം എളുപ്പമാക്കുന്നു എന്ന് ഐ സി യുവിൽ ചികിത്സയിൽ കഴിയുന്ന തന്റെ അമ്മാവനെക്കുറിച്ച് സംസാരിക്കവെ ഒരാൾ പ്രതികരിച്ചു.

ഓരോ വാർഡിലും ഡ്യൂട്ടിയിലുള്ള നഴ്സ് ഊഴമനുസരിച്ച് രോഗികളെ എൽ ഇ ഡി സ്‌ക്രീനിലൂടെ കുടുംബാംഗങ്ങളെ കാണിക്കും. അതിനുശേഷം ഐ സി യുവിൽ നിന്ന് പുറത്തു വരുന്ന ഡോക്റ്റർ അവരുടെ ആരോഗ്യത്തെ സംബന്ധിച്ച് ബന്ധുക്കൾക്കുള്ള സംശയങ്ങളെല്ലാം ദൂരീകരിക്കുന്നു. ദിവസേന രാവിലെയും വൈകുന്നേരവുമായി രണ്ട് തവണ ഇത് നടക്കാറുണ്ട്. ഒരു സർക്കാർ ആശുപത്രിയിൽ ഇത്തരത്തിൽ മികച്ച ഒരു സൗകര്യം ലഭ്യമാക്കുന്നത്നിരവധി ആളുകളുടെ പ്രശംസ പിടിച്ചുപറ്റുന്നുണ്ട്.

കഴിഞ്ഞ വർഷം കോവിഡ് വ്യാപനത്തിന്റെ ആദ്യ ഘട്ടത്തിലാണ് കെ സി ജനറൽ ആശുപത്രിയിൽ മാതൃകാ ഐ സി യു യാഥാർഥ്യമായത്. 10 കാർഗോ കണ്ടയിനറുകൾ ഉപയോഗിച്ച് 100 കോവിഡ് രോഗികളെ ഇവിടെ പ്രവേശിപ്പിക്കാൻ കഴിയുന്നുണ്ട്. ഈ മാതൃക വിജയകരമായതിനെ തുടർന്ന് വിവിധ ജില്ലകളിലായി 3000 മുതൽ 5000 വരെ മാതൃകാ ഐ സി യു കിടക്കകൾ നിർമിക്കാൻ സർക്കാർ ആലോചിക്കുന്നതായി ആരോഗ്യമന്ത്രിഡോ. കെ സുധാകർ പ്രതികരിച്ചു.